Page 44 - Е.Ф.Федоров. Уус-Алдан оройуона Сэбиэскэй сойуус Аҕа дойдуну көмүскүүр Улуу сэрии сылларыгар

общественнай сүөһүнү аһылыгынан толору хааччыйыы буо-
лар. Биһиги оройуоммут усулуобуйатыгар, оччотооҕугга өссө
ордук, общественнай сүөһү сүрүн аһылыгынан ходуһа ото этэ.
Оттон холкуостар общественнай сүөһүлэрин ити сүрүн аһылы-
гынан хааччыйыыга улахан кытаанахтар баар буолбуттара.
Ол кытаанахтары, бастатан туран, сэрии маҥнайгы сылла-
рыгар буолбут уһун улахан курааннар үөскэппиттэрэ.
Улахан кураан 1941 сыллаах сайын буолбута. Холкуостар
ходуһалараулаханнык курааннаабыта, алаастар үүммэккэ хаал-
быттара, ходуһа сирин үксэ оттоммотоҕо. Оройуон үрдүнэн
55389 гектар ходуһа сирэ баара, онтон 1941 сыллаах сайын
28468 гектар ходуһа сирэ курааннаан олох оттоммокко хаал-
быта.
Оройуон холкуостара ити сайын оройуон иһигэр баара
зрэ 26921 гектар сири оттооннор бэйэлэрин общественнай
сүөһүлэрин аһылыгар 34136 туонна оту бэлэмнээбиттэрэ.
Онон оройуон холкуостарын олоҕор, общественнай сүөһү ии-
тиитигэр улахан ыарахан балаһыанньа үөскээбитэ.
Оройуон холкуостара сүөһү аһылыгын атын оройуоннар-
га бэлэмнииргэ күһэллибиттэрэ. Оройуон 41 холкуостара 658
киһинэн Нам оройуонугар оттообуттара. Кинилэр 2708 гектар-
тан 5290 туонна от бэлэмнээбиттэрэ. Оттон 29 холкуостар 250
киһинэн Кэбээйи оройуонугар сүөһү аһылыгын бэлэмнээбит­
тэрэ. Кинилэр 2521,67 гектартан 5050,6 туонна оту оттообут­
тара.
Оройуон холкуостара атын оройуоннарга көһөн оттоо-
һуннара элбэх уратылардаах этилэрэ. Сүөһү аһылыгын бэ-
лэмнээһиҥҥэ маннык улахан көһүү оройуон холкуостарын
историятыгар урут хаһан даҕаны суоҕа. Ити холкуостар атын
оройуоннарга оттооһуннарын кылаабынай уратыта буолар.
Иккиһинэн, холкуостар көһүүлэрин ырааҕа буолар. Тандаттан
уонна Курбуһахтан Кэбээйи оройуонугар 1 уонна II Сииттэ-
лэргэ диэри иийэн оттооһун ырааҕынан уонна суола суоҕунан
өссө ыараханы үөскэтэр. Үсүһүнэн, биһиги оройуоммут хол­
куостара Нам уонна Кэбээйи оройуоннарыгар оттуулларыгар
аһара куһаҕан ходуһалар - үгүс сылларга оттоммотох уулаах,
бадарааннаах үрэхтэр, дулҕалар, маардар, мастар быыстара,
ходуһалар кытыылар о.д.а. куһаҕан быстах-остох сирдэр тү-
бэспиттэрэ. Тиһэҕэр, биһиги оройуоммут холкуостара Намҥа
уонна Кэбээйигэ оттуулларыгар ходуһа сирэ хойутаан көҥүл-
36