Page 20 - Кэнчээри ыччат туһугар

чПээри. ы11ат туИугар

2010 сыллаахха Көөппөрүнньүккэ өбүгэлэрбит үтүө ааттарын үйэтитэр сыаллаах уола
Сивцев Иннокентий Васильевичтыын бэйэлэрэ бырайыактаан оҥорон, аймахтарын мун-
ньан, Мэҥэ таас туруорбуттара. Биһиги хос эһэбит Сивцев Афанасий Гаврильевич, хос
эбэбит Афанасьева Марфа Ивановна 8 оҕолоохторо, Көөппөрүнньүккэ дьиэ-уот туттан
олорбуттара. Төрүттэрбит дириҥ силистээх -мутуктаах халыҥ аймахтар буолаллар. Хос
эһэбит Афанасий Гаврильевич сүүрбэччэ сыл устата нэһилиэк кинээһинэн талыллан
үлэлээбит. Бэйэлэрэ үбүлээн 1919 с. маҥнайгы оскуоланы, 1926 с. эргиэн кооперативын,
1930 с. маҥнайгы фельдшерскай пууну аспыттар. Кинээс улахан уола Сивцев Иван
Афанасьевич Дүпсүн оскуолатын бүтэрэн баран, Дьокуускай куоракка реальнай учили-
щены бүтэрбитэ. 1915 с. Бүлүү уокуругар, Мастаах улууһун Балаҕаччытыгар 1 кылаастаах
Мастаахтааҕы приходской училищеҕа маҥнайгы учууталынан үлэтин саҕалаабыта,
онно икки сыл үлэлээбитэ. 1917 с. алтынньы ыйга Таатта улууһун Игидэй нэһилиэгэр
баай Оруоһуттар туруорсууларынан, 1 кылаастаах Министерскэй училище аһыллыбыта.
Бастакы учууталынан Иван Афанасьевич Бүлүүттэн ыҥырыллан кэлэн үлэлээбитэ. Иван
Афанасьевич 1919 с. дойдутугар, төрөөбүт алааһыгар төннөн кэлэн, II Өспөх нэһилиэгэр
24 оҕолоох маҥнайгы оскуоланы аспыта. Төрөппүттэрин, бииргэ төрөөбүттэрин саха
дьиэтигэр көһөртөөн баран, Дыгдаалтан 8 биэрэстэлээх олорор олохторугар аҕатын
дьиэтигэр оскуола арыйбыта. Аҕатын көмөтүнэн оҕолор үөрэнэллэригэр наадалаах
тэриллэри барытын оҥотторон, үөрэххэ туттуллар тэтэрээттэри, кинигэлэри барытын
тэрийэн, Алдан өрүс уҥуор икки биэрэгэр олорор ыаллартан, төрөппүттэри кытта
кэпсэтэн, 24 оҕону ааҕарга, суруйарга үөрэппитэ. Дьэ ити курдук төрөөбүт улууспут, дой-
дубут сайдыытыгар улахан үтүөлээх киэн туттар ытык дьоммутун кэриэстээн, төрөөбүт
алааспытыгар-өтөхпутүгэр саҥа буруус маһынан дьиэ тутан, кэнчээри ыччаттарын 60-ча
оҕолору, аймах-билэ дьоммутун, эһээхэй оҕотугар тиийэ мунньан, ыһыах ыспыппыт. Ити
2010 сыллаахха этэ. Кэнчээри ыччаттарбытын, сиэннэри, хос-хос сиэннэри мунньан,
төрүттэрэ олорбут сирдэрин-уоттарын көрдөрбүппүт.

4