Page 22 - Кэнчээри ыччат туһугар

ыгчат туИугар
г
көрдүм. «Баһылайбынаан 1959 сыллаахха холбоһон, эйэ дэмнээхтик, эн-мин дэһэн
олорон кэллэхпит. Бэйэ-бэйэбитигэр «мин өллөхпүнэ, эн хайдах олороҕун дэсиһэбит»
диэхтээбитэ. Эппиттэрин толорбут курдук утуу-субуу бараахтаатылар.
Ытыктыыр, күндү мааны киһибитин Клара Иннокентьевнаны умнубаппыт, аатын
ааттыы, өйдүү-саныы сылдьыахпыт.

Елизавета Федоровна Сивцева

КӨЛҮӨНЭ БЫСТЫБАТ
СИТИМИН ҮЙЭТИТЭЭЧЧИЛЭР

Биһиги саамай чугас, ытыктыыр дьоммут Сивцев Василий Алексеевич - аҕабыт бииргэ
төрөөбүт быраата, Румянцева Клара Иннокентьевна - саҥаспыт. Кинилэри таптаан,
ытыктаан, Убай Бааска, Саҥас Клара диэн ааттыыбыт. Дыгдаалга кэккэлэһэ уһаайбаҕа
кыра эрдэхпититтэн күннэтэ алтыһан, биир ыал курдук ылса-бэрсэ, эйэ-дэмнээхтик
ньир-бааччы олорбуппут. Ону таһынан тапталлаах аҕабыт Афанасий Алексеевич олохтон
эрдэ туораабытын кэннэ элбэх оҕо үөрэхтээх, үлэһит буоларбытыгар, олоххо миэстэ-
битин буларбытыгар куруук сүбэ-ама, күүс-көмө буолбут, ис дууһаларыттан кыһаллар,
төрөппүттэрбитин солбуйбут тутаах дьоммут, этэргэ дылы, суон дурдабыт, халыҥ
хаххабыт кинилэр буолбуттара. Ол да иһин иккис Ийэ, Аҕа туттубут дьоһун дьоммутугар
сиртэн халлааҥҥа диэри барҕа махталбытын тиэрдэбит, сиргэ тиийэ сүгүрүйэбит!
Убайбыт Василий Алексеевич, саҥаспыт Клара Иннокентьевна үлэни өрө туппут дьон
этилэр. Иккиэн талан ылбыт идэлэринэн бэриниилээхтик, төрөөбүт нэһилиэкпит туһа
диэн үтүө суобастаахтык үлэлээбиттэрэ. Бааскабыт өр сылларга комбайнердаабыта,
трактористаабыта. Биһиги өйдүүрбүтүнэн, сарсыарда олох эрдэттэн, киэһэ хойукка
диэри хараҥаны ыпсаран, саамай эппиэттээх үлэлэргэ сылдьара, ол түмүгэр куруук
социалистическай куоталаһыы кыайыылааҕа, үрдүк бочуокка сылдьар чемпион-трак-
торист этэ. Ону таһынан Хомуньуус Бааска диэн ааттаах көнө сүрүннээх, киинэҕэ көрөр
дьоммут курдук дьиҥнээх хомуньуус буолара. Саҥаспыт Клара Иннокентьевна өр
сылларга Өспөх дьааһыла-садыгар иитээччинэн, сэбиэдиссэйинэн үлэлээбитэ. Кини
салайар тэрилтэтин үлэтэ куруук улууска бастыҥ үлэлээҕинэн биллэрэ.Таһаарыылаах
үлэтэ сыаналанан, РСФСР норуотун үөрэҕириитин туйгуна, педагогическай үлэ бэ-
тэрээнэ буолбута.
Василий Алексеевич, Клара Иннокентьевна олоххо актыыбынай позициялаах буолан-
нар, общественнай үлэттэн хаһан да туора турбаттара. Хардарыта өйдөһөн-өйөһөн, хан-
нык да түгэннэргэ бэйэ-бэйэлэригэр итэҕэйсэн, 61 сыл устата дьоллоохтук олордулар.
Пенсияҕа тахсан баран, архитектор идэлээх уоллара Иннокентий Васильевич, ки-
йииттэрэ Валентина Ефимовна дьиэ кэргэттэрин кытта куоракка олорбуттара. Кыыстара
Анна Васильевна, күтүөттэрэ Илья Васильевич кинилэргэ кынат буолаллар. Сиэннэрэ
Майа, Алеша, Вася, Саша, Илюша тапталлаах эбэлэрин, эһэлэрин үтүө ааттарын ааттатар,
олохторун салгыыр дьоһун дьон буола улааталлар.
Клара Иннокентьевна иллэҥ бириэмэтигэр иистэнэрин, быысапкалыырын, кинигэ
ааҕарын сөбүлүүрэ. Бэртээхэй хаһаайка, асчыт ааттааҕа, хайаан да сылаас бэрэскилээх,
пирогтаах буолара. Киһиэхэ барытыгар сылаас сыһыаннаах, көмөлөһө сатыыр үтүө
үгэстээх, ыалдьытымсах ыал алаһа дьиэлэрэ куруук аһаҕас ааннаах, элбэх ыалдьыт-
таах-хоноһолоох, минньигэс, дэлэгэй астаах буолара. Олбуордарыгар оҕуруот аһа,
сиэдэрэй сибэкки арааһа, мас сиэдэрэйэ үүнэр. Куруук аймахтарын түмэ, мунньа сатыыр
этилэр. Онон ханна да олордорбут, сибээспитин быспатахпыт.
Үтүө үгэстэрин ыһыктыбакка, куруук төрөөбүт Өспөхтөрүн, биир дойдулаахтарын
тустарыгар кыһаллаллар, «Өспөх түмсүү» тэрээһиннэригэр кытталлар, көмөлөһөллөр
этэ. Клара Иннокентьевна дьиэтин эрэ түбүгүнэн муҥурдаммакка, ханна да олор-
дор общественнай үлэҕэ актыыбынайдык кыттара. Дойдубутугар буолар тэрилтэлэр
4