Page 23 - Кэнчээри ыччат туһугар

тХээри ы11ат м.

үбүлүөйдэригэр бэлэх ылыыга, араас тутууларга көмө харчы хомуйуутугар көҕүлээч-
чинэн, хомуйааччынан буолара. Кыһыны быһа дойдуларыгар сайылыы баралларын
былаанныыллара, күүтэллэрэ. Бастакы «ракетанан» Нам Түбэтинэн айанныыллара.
Ыһыахха сылдьан, дьоннорун-сэргэлэрин көрсөн, үөлээннээхтэрин кытта алтыһан
үөрэллэрэ-көтөллөрө.
Кэлин уонча сылга Убай Бааскабыт өбүгэлэрбит үтүө ааттарын үйэтитэр, эһэтин
Охонооһой Сивцев, эбэтин Мааппа, кинилэр учуутал уоллара Сивцев Иван Афанасьевич
төрөөбүт нэһилиэктэрэ сайдарын туһугар оҥорбут сүдү кылааттарын кэнэҕэски ыччакка
тиэрдэр сыаллаах элбэх үтүө дьыалалары саҕалаабыта. Дьоммут олохсуйан олорбут
түөлбэлэригэр Көөппүрүнньүккэ 2010 сыллаахха нэһилиэктэригэр бастакы оскуола,
эргиэн кооператива, фельдшерскэй пуун аспыттарын туоһута Мэҥэ таас туруоттарбыта,
2017 сыл сайын туруулаһан туран, сабыс-саҥа бэртээхэй дьиэ туппута. Ону көҕүлээбит
аҕа баһылыкпытыгар Василий Алексеевичка, саҥаспытыгар Клара Иннокентьевнаҕа
махтанабыт. 2018 сыл сайын чугас аймахтар 60-тан тахса буолан, анаан тэриллэн, Көөп-
пүрүнньүккэ баран кэлбиппит, сиэннэрбитин, хос сиэннэрбитин илдьэн төрүттэрбит
тэнийэн олорбут сирдэрин-уоттарын көрдөрбүппүт.
Сивцев Иван Афанасьевич Саха сирин үс улууһугар: 1915 с. Бүлүү Мастааҕар, 1917 с.
Таатта Игидэйигэр оскуола төрүттэспит, бастакы учууталынан үлэлээбит. 1919 сылла-
ахха төрөөбүт Өспөҕөр аҕатын үбүлээһининэн оскуола аспыт. Онон бу оскуолалар 100
саастарын туолар үбүлүөйдэригэр сылдьыбыппыт. Оскуола музейын территориятыгар
бастакы учуутал Сивцев Иван Афанасьевич пааматынньыга турар. Бу пааматынньыгы
2014 сыллаахха биир киэн туттар бырааппыт Сивцев Алексей Иванович аҕата Иван
Алексеевич кэс тылын толорон туруоттарбыта. Оскуола музейыгар стендэ оҥотторон
бэлэхтээбиппит. Онно хос эһэбит аспыт тэрилтэлэрин, И.А. Сивцев олоҕун кэрдиис *
кэмнэрин сырдаппыппыт. Ол барыта Убайбыт, Саҥаспыт өйөбүллэринэн буолбут
тэрээһиннэр. Онон өбүгэлэрбит үтүө ааттарын үйэтиттибит диэн астынабыт. Көлүөнэ
ситимэ быстыа суоҕа...
Убайбыт Василий Алексеевич, саҥаспыт Клара Иннокентьевна бастыҥ майгылара,
холобур буолар дьоһун олохторо биһиэхэ хаһан да умнуллуо суоҕа!

Дирик махталы, тапталы кытта
ЕеЭокия Афанасъевна Снвдева.
Дъокуускай к., 2021 с.