Page 24 - Кэнчээри ыччат туһугар

АММОСОВА РОЗА ПЕТРОВНА
(16.12.1941)

«Саха Өрөспуубулукэтин норуотун айымнъытын
сайдыытыгар кылаатын иһин»,
«Уус Алдан улууһун култууратын сайдыытыгар
кылаатын иһин», «Уус Алдан улууһун уөрэхтээһикмэ
кылаатын иһин» бэлиэлэр хаһаайкалара,
Саха Өрөспуубулукэтин уөрэхтээһинин
бочуоттаах бэтэрээнэ, Курбуһах нэһилиэгин
бочуоттаах олохтооҕо, Курбуһах орто оскуолатын
бочуоттаах мецената

ОҔО ИИТИИТИГЭР ҮЛЭЛЭЭБИППИНЭН
КИЭН ТУТТАБЫН

1975 сыллаахха Курбуһах интернат-оскуолатыгар начальнай кылаас учууталынан
үлэлии сырыттахпына, «Лена» сопхуос дириэктэрин солбуйааччыта Пухов Н.Г., Курбуһах
отделениетын управляющайа Аммосов П.Н. ыҥыран ылан кэпсэттилэр. Кинилэр Кур-
буһахха саҥа аһыллар ведомственнай, 75 миэстэлээх дьааһыла-садка сэбиэдиссэйинэн
үлэлии киирэрбэр эттилэр. Мин сөбүлүүр үлэбин быраҕан, кыайан кэлбэтим туһунан
эппитим үрдүнэн, тылларын ылыннаран, кулун тутарга дьааһыла-сад сэбиэдиссэйинэн
ананан үлэбин саҕалаабытынан барбытым. Туга да суох түөрт истиэнэ турара, тутуу
барбыт бөҕө ситэ хомуллубакка сытара.
Бастаан үлэбин саҕалыырбар үгүс ыарахаттар бааллара. Ол курдук, детсад үлэтин
олох билбэт этим, онно эбии саас, дьон миэстэлэрин булан үлэлии сылдьар кэмнэригэр,
анал үөрэхтээх специалистар суохтара ыарахаттары үөскэппиттэрэ.
Үлэһиттэр дьиэ-уот хомууруттан, таҥас-сап бэлэмнээһиниттэн үлэлэрин саҕа-
лаан барбыттара. 75 оҕо утуйар таҥаһын илиилэринэн тигэн оҥорбуттара. Таҥас-сап,
иһит-хомуос, миэбэл, бородуукта булуллуута - ити барыта үгүс кэлиини-барыыны,
элбэх үлэни эрэйэрэ. Кэргэммин Егор Аммосовы суоппар оҥостон, бэйэм куоракка
элбэхтик кэлэн-баран, детсад материальнай базата бөҕөргүүрүгэр маҥнайгы акылааты
уурбуппут. Бары үлэһиттэр түүннэри-күннэри сылайары аахсыбакка үлэлээн, муус
устарга 75 миэстэлээх саҥа дьааһыла-сад аһыллыыта нэһилиэнньэ ортотугар үөрүүлээх
быһыыга-майгыга буолбута.
Бэйэм общественнай үлэттэн хаһан да туора турбатаҕым. Эдэр эрдэхпиттэн ырыанан
үлүһүйэн дьарыктаммытым. Дьүөгэлэрбин кытта билигин да сценаттан түспэт ырыа
куттаах дьон буолабыт. Элбэх улуустааҕы, өрөспүүбүлүкэтээҕи күрэхтэр лауреаттарын
үрдүк ааттарын ылары ситиспиппит.
Икки төгүл Саха сиригэр ыытыллыбыт бүтүн Россиятааҕы «Играй, душа моя, гармонь
сибирская!» программаҕа Дьокуускай куоракка уонна Ленскэй оройуонугар ыҥырыллан
кыттыыны ылбытым. Агитзона начальнигынан 10 сыл, женкомитет бэрэссэдээтэлинэн
биэс сыл, Курбуһах отделениетын бэрэссэдээтэлин солбуйааччытынан өр сыл үтүө
суобастаахтык үлэлээбитим. Курбуһах нэһилиэгин советын депутатынан икки төгүл
талыллан, үлэ үөһүгэр сылдьыбытым.
Олус үлэһит, иллээх-эйэлээх эдэр коллективы салайан, биэс сыл үлэлээбит кэмнэр-
бин олоҕум саамай кэрэ-бэлиэ кэминэн саныыбын. Курбуһах нэһилиэгэр бастакы
улахан оҕо тэрилтэтин арыйан үлэлэппиппинэн киэн туттабын уонна эдэр үлэлиир 15
сааһым кэрэ кэмнэрэ детсадка ааспытын үтүө өйдөбүнньүк оҥостобун. Олорон ааһар
олохпор туох эрэ бэлиэни хааллардарбын диэн баҕа санааттан, үлэлээбит тэрилтэлэр-
бэр, 17 сыл үлэлээбит детсадпар, кыракый оҕолорго сөптөөх кинигэлэринэн библиотечка
тэрийбитим биэс сыл буолла, сыл аайы 20 кинигэни булан биэрэбин. Оскуолаҕа 15