Page 21 - Кэнчээри ыччат туһугар

>нХээри ыПат туИугар

ӨЙДҮҮ-САНЫЫ СЫЛДЬЫАХПЫТ

Клара Иннокентьевна олохпор көрсүбүт, алтыспыт дьоммуттан ойуччу тутан, убаас-
тыыр, күндүтүк саныыр киһим буолар. Биир идэлээҕим. Кини детсад үлэһитэ, мин кини
салайааччытабын. Ол курдук үлэттэн саҕалаан, кэлин ыкса билсэн, сыһыаммыт доҕордуу,
истиҥ буолбута. Онно биллэн турар, аламаҕай майгыта, киһини бэйэтигэр тардар дьоҕура,
үлэтигэр бэриниилээҕэ буолбут буолуохтаах.
Урут детсадка үлэлиир кэм бэрт уустук, ыарахан да диэххэ сөп курдук этэ. Туох баар
сыраларын, кыахтарын, тэрилтэлэригэр сөптөөх усулуобуйаны тэрийэргэ, сайыннарарга
туһаайан үлэлииллэрэ. Клара Иннокентьевна салайар детсада, улуус кииниттэн төһө
да ыраах олордоллор, өрүү инники күөҥҥэ сылдьыбыта. Туох баар ыытыллар конкур-
старга, күрэхтэһиилэргэ бастаан, миэстэлэһэн, атыттарга холобур курдук үлэлииллэрэ.
Коллектив үлэтэ оройуоҥҥа, өрөспүүбүлүкэҕэ сырдатыллара, «тиийэн көрүҥ, уопутта,
атастаһыҥ» диэн буолара.
Салайааччы быһыытынан киһини өйүүрэ, үлэлэригэр бэриниилээх дьонун хайгыыра,
махтанара. Кинилэр ортолоругар Мария Васильевна, Анна Васильевна, Наталья Григо-
рьевна, Зоя Михайловна, Вера Петровна, Мария Ивановна бааллара.
Клара Иннокентьевна кэргэнэ Василий Алексеевич кэлин сааһыран, детсадка үлэҕэ
көһөн, көмөтө сүрдээх элбэх этэ. Ону бары билэрбит, сыаналыырбыт, бэйэтэ да куруук
ахтара. Аны бэйэтин тус үлэтин таһынан, Найахы бөлөҕөр киирэр оҕо тэрилтэлэрин
үлэлэрин билсэрэ, көмөлөһөрө, салайсара.
Мин график быһыытынан бэрэбиэркэ ыыта тиийэрим. Командировкаҕа тиийбит дьон
өрүү буоларын курдук, сэбиэдиссэйдэргэ хоно сылдьарбыт. Бастаан Зоя Михайловнаҕа,
кэлин Клара Иннокентьевналаахха. Дьиэлэрэ, санаабар, олох куораттыы тутуулаах,
киэҥ-куоҥ, сылаас, ыраас буолара. Бастакы сырыыларга ийэлэрэ Балбаара диэн кыра,
хатыҥыр, чөм курдук кырдьаҕас баара.
Клара Иннокентьевна биир кэмҥэ туоһунан иистэнэр И.П. Румянцеваҕа кып-кыра
ыаҕайа тиктэрэн бэлэхтээбитэ. Серваҥҥа уура сылдьар этим. Ону биир балтым үҥкүүгэ
уларсан баран, сүтэрбититтэн наһаа хомойбутум. Кэлин элбэх буолан, Өспөххө тиийэн,
Ирина Прокопьевнаны көрсүбүппүт. Үлэлэрин детсадка аҕалан көрдөрбүтэ, кэпсээбитэ.
Онно маллаах иһит атыыласпытым билигин да баар.
Клара Иннокентьевна үлэттэн уурайан, дьиэ кэргэнинэн куоракка көһөн киирэн олох-
суйбуттара. Ол да буоллар, сибээспитин быспатахпыт, куруук билсэр этибит. Куораттааҕы
дьиэлэригэр хаста да сылдьыбытым. Бэлиэ даталарыгар ыалдьыттата ыҥырара. Куруук
үөрэ-көтө кэпсэтэн, хайаан да кэһиилээн ыытара. Телефонунан сонун кэпсээтэхпинэ,
үөрэрэ-махтанара. Бэтэрээн сэбиэдиссэйдэр түмсүүлэрин биир көхтөөх чилиэнэ этэ,
муһуннахпытына, кэлэн кыттан, үөрэн, эдэр коллегаларын үөрдэн барара. Куруук кы-
раһыабай, наһаа мааны буолара. Сааһыгар сөбө суох сэргэх көрүҥнээҕэ.
Быйыл түмсүүбүт 10 сылын Суотту музейыгар хоно сытан бэлиэтиэх буолбуппут.
Иннокентьевна бэлэмнэммитэ, бэркэ кэтэһэр этэ, дьоммунан куурка ыллаттардым диэн
кэпсээбитэ. Тэрээһиммит биллэр биричиинэнэн буолбатаҕыттан бары да хомойдубут.
Мин билэрбинэн, Клара Иннокентьевна, Василий Алексеевич баҕалара «Өспөххө
тиийбит киһи» диэн буолара. Дойдуларын ахталлара кэмнээх буолуо дуо?! Үчүгэй
эрдэхтэринэ суол-иис уустуктарын аахсыбакка айаннаан, сайын устата үлэ бөҕөнү
үлэлээн тутуу ыытан, аймахтарын үйэтитиигэ мэҥэ бэлиэ туруоран, бэркэ сэргэхсийэн,
астынан кэлэллэрэ. «Баабыскаларбын ыҥыран чэйдээтибит» диир буолара. Кэлин кыал-
лыбата элбээн иһэрэ биллэр буоллаҕа. «Быйыл сайылыы диэн тиийэн баран, ыалдьан
төнүннүбүт», - диэбитэ. Бүтэһигин алтынньы бүтүүтэ кэпсэппитим. Саҥата сэниэлээх
этэ. «Баһылай ходуногунан тахсан, кирилиэс ыраастыыр», - диэхтээбитэ.
Былырыын баччаларга Клара Иннокентьевна, Василий Алексеевич ыал буолбуттара 60
сылыгар аналлаах тэрээһин үрдүк таһымнаахтык ыытыллыбыта. Биһигини ыҥырбыта.
Этэргэ дылы, сир харатыттан үлэһэн, тиийэн эҕэрдэлээн, үөрүүгэ кыттыһан, эмиэ бэлэх
тутуурдаах кэлбиппит. Онно тахсыбыт бэртээхэй кинигэни бу күннэргэ хаста да ылан