Page 10 - Былыр этэ диэххэ

атырдьаҕынан бугуллаан, илиинэн таһан кэбиһэн, уонтан тахса оту
туруорбут. Хаардаахха үрдүк томтору талан икки сыарҕа маһы алта
сиргэ сүөкэттэрбитим үрдүнэн сорох отугар маһын уунан соһон
тиэрдэн күрүөлээбит. Уон аҕыс туонна диэн туппутум. Биир оту
төрүт дуона суох сиртэн ылар эбит этэ. Уопсайыгар сүрдээх кыах-
таах киһи кэлин оһоллонон, аанньа ахтан киһилии эмтэммэккэ
тостубут илиитэ сыыһа оһон, доруобуйатын бэйэтэ кэҕиннэрбит.
Хоту сир мыраҕатта, чыыр, араас балык үөскүүр улуу эбэлэ-
рин уутун түһэрэн ходуһа сирин таһаардахха от барахсан кылгас
сайыҥҥа үлүмнэһэн үүнэринэн хайа дойду тэҥнэһиэ эбитэ. Туох
да уоҕурдуута суох Сылгыһыт Бүөтүрдээх сайылыыр сирдэригэр
хортуоска, оҕурсу, моркуоп, сүбүөкүлэ үүннэрэн ыалдьыттарын
күндүлээн сөхтөрөллөрө.
Отунан, талаҕынан эрэ аһыыр кыылтан кырса, саһыл кур-
дук уойар куруолук этин амсайан ииттэн боруобалыыллар. Та-
лаҕын быыһыгар боруу, ылаҕан, бэрдьигэс үүнэр күөл арыытыгар
тыһылаах атыыр куруолугу ыыппыттар. Күһүнүгэр сир тоҥуута
боруоста хомуйан ылыахпыт диэн тиийбиттэрэ, илиилэрин сот-
тубуттар. Хороон хастыбыт идэһэлэрэ кинилэргэ тахсан биэрбэ-
тэхтэр. Тоҥ буору хаһар оҕо оонньуута буолбатах. Эһиилгитигэр
күһүөрү сайын тиийэн ыттанан, сааланан отуччаны ылбыт-
тар. Өссө төһө хаалта биллибэт. Онтон эһиилгитигэр угут дьыл
сирдэрэ ууга баран, куруолук ииттэн бүттэхпит буолуо дэһиспит-
тэрэ. Күөл талаҕар куобах суола толору. Анаан дьарыктаммыт эрэ
киһи куруолугун, куобаҕын быһаарара да уустук. Мөдөөт куруо-
луктары кырса, саһыл билэн итигэстээтэ да ини. Дьэ ити курдук
байылыат булдун аһын ханыыта өлгөм үүнүүлээх Абый сирин
бүппэт кэпсээнэ.

8