Page 8 - Былыр этэ диэххэ

сылгыбын чахчы кини диэн үөрэттим. Сылгыларым сиэни быһа
түһэн куоталларын оҥоһуннулар. Сиэн оҥхойугар киирэн кыра-
тык булкулла түһээт туораабытынан бардылар. Аппыттан ойон
түһэн ытаары соруммутум, сылгыларым көстүбэт үрдүктээх уһун
от иһигэр түһэн хаалбыппын. Төттөрү аппын миинэ охсоот, тиэ-
тэлинэн сылгыларым диэки киирдим. Бааттаах киһи мин буо-
луом. Бириигэбэрдээх сылгым оруобуна ууга ыстанна. Тахсан
уутун тэбэнэ, илгистэ турдаҕына түҥнэри ытан түһэрдим. Тута
отчуттарбар тэптэрдим. Мотуордаах луокканан тойонноро Усту-
ручукуоп Куоста үс киһилээх кэлэннэр идэһэбитин астаатыбыт.
Дьэ, доҕоор, байтаһын сылгы диэн бу эбит. Эмис да эмис. Уот
таһааран кыраны үтэһэлэннибит. Быарыттан үтэһэлэммитим,
минньигэһэ сүр. Бүтүн сылгыттан тииһиммитим ол. Атынан
сылдьар киһи эрдэ суолбун көннөрдүм. Сылгылары туораппыт
сирим ото үүнүүтэ сүрүттэн, сибэниэлэргэ этэн оттотоору гым-
мытым — буолумматылар. Оччолоох сир хаалар. Оттуом диэтэххэ
тиэхиникэни туоратарга муоста тутан, икки сиэни быһан кэ-
лиллэр кэрэгэй сир эбит. Биир эмэ чааһынай киһини соруһуоҕу
күрүө да, оттук да маһа суох сиргэ ким сөбүлэниэй.
Эһиилгитигэр биир тыраахтар сыарҕатын быһаҕаһа маһы
түһэттэрдим. Бэйэм анаан өртөөбүтүм кур лампаҕа түспүтэ уот
биирдэ имири салаан, хата маспын сиэтэ сыстым. Сибэниэлэр
ходуһаларыгар киириилэригэр от үүнүүтүн көрө сылдьан били
сирбэр таарыйбытым, үүнүүтэ ситэн, куотара чугаһаабыт курдуга.
Силэпсиэп Дьөгүөр Өндүрэйэбиһи-Начааланы тылбар киллэрээ-
ри ньымааттаспытым, ыараабакка көнөтүнэн кииринэн бэрт.
Аастымабынан бопторон киһитэ суох сиргэ өлөн хааллахпына да
көҥүлүм диэн куттаан, оскуоланы саҥа бүтэрбит уолу — Куока
Миисэни сыһыардым. Дьонум тута кииринэн баран бэрт.
Сибэниэлэр ходуһаҕа киирбит ааттанан тиэхиникэлэрин саҥа
көрүнэр идэлээхтэр. Кымньыылааҥҥын да охсууну саҕалаабат-
тар. Ол саҕана мин соруктаах отчуттарым саҥардыы малларын
тириэртэрдилэр. Бөһүөлэккэ кэлэрбин кытта дьонум кэннибит-
тэн бу буола түстүлэр. Хайа иирбит киһитэ оттуо диэҥҥин итин-
ник сиргэ түһэрдиҥ диэн оҕонньорум дьиэрэҥкэйдии кытаанаҕа.
Итинтэн ордук оттоох ходуһаны хантан булабын... Хайа холлоох
киһитэ охсуо диэҥҥин итинник сиргэ бырахтыҥ диэн баайсыы
кытаанаҕа. Хата эмээхсинэ Дьэбдьэ тыл кыбытан абыраата. «Оч-
6