Page 117 - Былыр этэ диэххэ

дьиэлээх сордоҥ хачымаастаабытын суулуу тутан остуолугар уур-
бутун биир-биир ылаттаабыттарыгар, тойон киһиэхэ эмиэ тигис-
тэ. Үһүс хачымааһын сииригэр тиэрдибэккэ күөс буһа охсубут.
Сирдээх киһи аҕыйах тэриэлкэ оҕолооҕор кыракый остуолун то-
лору күстэҕин хоторо уурда. Тойон имнэммитигэр, луоккаттан
буокка кылабачыйан кэллэ. Хаһаайын хараҕа атын бэйэлээх уот-
тана түстэ. Айан дьоно сокууска эрэ курдук биир буокка оҕоту-
гар биирдии-иккилии күстэҕи хаптылар. Эбии буокка луоккаттан
кэлбэтэ. Биһиги дойду киһибитигэр уонча эрэ күстэх тиксээхтээ-
бит. Дьоно уоп-чаап аһыы охсон барардыы тура ойбуттарыгар,
тойон дьэ алдьаммыт. «Хайа, доҕоттоор, бачча ас дэлэй сиригэр
аһаатаххыт кэрэгэйин, өссө биирдэ күөстэнэн эбиниэххэ. Бааты-
гарын, буһара да дөбөҥ эбит дии, туохха ыксаатыгыт», — остуол-
тан турбат санааланан иҥиэттибитигэр, эргэ ыскамыайка хаачы-
гыраан ылбыт. «Чэ, доҕоор, араас ас дэлэй сиригэр тиийэрбит
чугаһаата, күстэҕи сии олоруохпут дуо?» — аргыстара батыммыт-
тар. «Ылыҥ, нохолоор, биир буокката эбии астааҥ, — бэриммэт
санаалаах хамаандалаабыт. — Сокуускаҕа биир биэдэрэни эбии
буһарыҥ. Күн да эрдэ дии, хаһан тиийиэххэ диэри аһаабыт аспыт
сахсыллан туга хаалыай. Хайа, ыал кэмчи аһылыгын кэтэһиэх
кэриэтэ, манна испитин көппөтөн барарбыт көнө ини», — эп-
пэтиитэ көтөҕүллэн, сүгүнүнэн арахсыбат санааламмыт. Аһыы-
тыттан тиксиһэр баҕалаахтар көҥүл көстүбүччэ күөс бэлэмнии
ыстаммыттар. Күөс буспутугар, оҕонньордоро олорор сиригэр
хаадьас-хаадьас хамнанаат дьэ эрэ — аһаабат дуо. Оҕонньордоро
аһыырын көрө салла өссө биир иһити түҥнэрбиттэр. Киһилэрэ
ол да астан ирээтин иһитин ууммутунан олорбут. Аргыстар со-
руйан биэдэрэлээх астан көҕүрэтиспэтэхтэр. Икки күөскэ барбыт
миини арыгытын баттатаары эбии бүттүү кэтэрдибит. Биэдэрэ
түгэҕин хатырыгын уҥуоҕун чөмөҕөр тибиирэн, соччо астымма-
тах көрүҥнээх остуолтан туран айаннарын салҕаабыттар.
Сайын Бөтүрүөп лаппа ааһыыта от үлэтэ халлаан мэһэйдээбэ-
тэҕинэ тэтимирэр. Бастакы кэбиһиилэр өндөйбүттэрин кэннэ
субуокка хомуйа саҥа инструктор бөртөлүөтүнэн Оттоох Атахха
түһэр. Саастаах киһитээҕэр эдэр да дьон сатыы отчуттары ба-
рыларын эргийбэт сирэ диэн, биригэдьиир чугастыы бөһүөлэк
уҥуор оттуур Атах сибиниэтигэр мотуорканан аҕалан быраҕар.
Чаһытын болдьоһон, салгыы айанныыр. Элбэх сири кэрийбэк-
115