Page 122 - Былыр этэ диэххэ

килиэптэн ордоруммут быһыытынан хобордоох арыытын ньиккэ-
рийэ олорон: «Таанньа, сүрэҕи сөрүүкэтэргэ туохтааххыный?» —
диэн тылламмыт. Дьиэлээх толкуйдуу түһээт таһырдьа тахсан биир
тоҥоруу, моруоска отонунан дуйдаммыт хайаҕы киллэрэн тэриэл-
кэҕэ толору тойбут. Биир лиис быһаҕаһа килиэби эбии кырбаабыт.
Хайах бүтэн ону-маны кэпсэтиһэн хоноһолоругар остуол аттыгар
орон оҥорбуттарыгар сыппыт. Сотору суугунаан-сааҕынаан таһыр-
дьа тахсыбыт. Киирэн сытан иһэн төттөрү ыстаммыт. Сарсыарда
дьаам сүүрдэн, аанньа утуйбатах киһини хайдах утуйдуҥ диэн дьиэ-
лээхтэр өскүөрүтүн ыйыталаспыттар. «Уу аһыттан алыс да сытыы
сыалаах аһы аһааммын испин сыыйтаран сүгүн утуйбатым. Аһыыр-
бын истэн анаан астаабыт аскытыгар түбэһэн буорайдым». Кэтэҕин
аһа киргиллэннэр да дьахтар оҕуруктаах угаайытыгар киирэн биэр-
битин кэмниэ кэнэҕэс өйдөөн, ырааһынан билиммит.
Хоту сир олохтоохторо сыалаахтан эрэ сытыы сыалааҕынан хаа-
хынай иһин ааҕаллар. Хайа да киһи иһин тоҕо сүүрдэр, сүһүөххүттэн
ылан сүрэххин эрийэр. Онтон куттанан мээнэ элбэҕи сиэбэттэр. Ол
иһин төһө элбэҕи аһыырын тургутаары анаан астаабыт. Хаһаайка
өлөн эрэри өрүһүйээри унньуула силиһин кырбаан, итии ууга көөн-
ньөрөн биэрбитин бэрт кэбэҕэстик иччитэх куртах диэки дьүккү-
йэн кэбистэ. Абыраллаах эми иһэн хараҕа тута сырдаан: «Сохон аһы
итиччэни билбэккэ да аһарыахтаах киһи кыайтардым», — түүн икки
ардыгар хаана тоҕо баран оҕо куоппут дьахтарын курдук кубарый-
дар да киһиргиирэ бараммата. «Анаан аһаатахпына, иҥсэ кэбистэрэн
тоторбун билбэт турукка киирээччибин. Ол кэнниттэн хас да хо-
нукка аска кыһаммакка сылдьыахпын син. Үйэбэр биирдэ бэйэбин
билинэр гына аһаан турабын. Оччотооҕу ас-үөл кырыымчык кэми-
гэр сыбаайбабар син балай эмэ киһи кэлбит этэ. Дьону кытта тэҥҥэ
аһаары гыннахпына дьахтарым өттүккэ анньар, атахпын быһа үктүүр.
Дьон сынньана таҕыстаҕына тутуспахтаан хаалабын. Ходоҕойдоруҥ
аһастаах эбит диэхтэрэ. Кэргэним син куттанаахтыыр этэ. Кэлин син
биир биллэр. Бу кэлин ол-бу салайар үлэҕэ үлэлээммин кыбыстан
аанньа аһаабаппын. Хата бу Хоту дойду ыалдьытымсах дьонугар кэ-
лэн дьикти дьаллыгым күөрэйээри гынна. Бары аскыт эчи эмиһэ,
дэлэйэ. Уолбуттар биирдэ киһи эмис диир тайаҕын этин күөстээн
тураллар. Тайах сыата барахсан искин өйүүр бэртээхэй ас. Хоторбут-
тарыгар сыата эйэҥэлии олорор эмис булт этэ». Дьикти кыдьыктаах
хоноһо тыа түҥкэтэх ыалыгар кэпсээнэ итинник.
120