Page 118 - Былыр этэ диэххэ

кэ, чөкө биир да сибиниэ отчуттарын үлэтин кытта наҕылыччы
билсиһэр бириэмэлэммититтэн командировка киһитэ кыһаллы-
бат. Отууга буобар кыыс — Уля соҕотох солото суох олороругар
түбэһэр. Киэһэ аһылыкка кус үргүү олорон туох киһитэ кэлби-
тин көрөөрү, кэлэн билсиһэ түһээт төттөрү барбыт. Оҕонньор
эбээһинэһин толороору ыаһыйалаан, үлэ дьоно кэлэ иликтэринэ
сүрүннээн наадалааҕын барытын истэр. Кыыс ыраахтан кэпсэтэ
олорон өй ылбыттыы: «Кырдьаҕас киһи хата дьон кэлэ илигинэ
аһаан хаал. Ити оллоон таһыгар биэдэрэҕэ балык буһан турар».
«Хата бу үчүгэй буолаарай! — дэлэй астаах оҕоҕо түбэспититтэн
тойон саҥа аллайбыт. — Кырдьык, дьонуҥ өтөр тахсыа суохтар,
аһыы олоруохха», — оллоон кырыытыгар турар уон киилэлээх
биэдэрэҕэ балык буһан турарын остуол кырыытыгар сиргэ олор-
доот, тимир миискэҕэ хоторунан аһаан барбыт.
Уомул булда саҕаланан, отчуттарга сопхуос салалтата бөр-
төлүөтүнэн сибиниэ аайы таһан амсатар идэлээхтэр. Онон са-
ҥардыы түҥэтиккэ кэлбит астан талыы сэттэ уомулу биэдэрэҕэ
толору буһаран олорор буобарга түбэһэн биһиги киһибит иҥсэтэ
көппүт. Кыыһын кытта ыаһахтаһа-ыаһахтаһа уу аһын уу курдук
дьоллоох куртах диэки дьулурҕа соҕустук ыыталаабыт. Эмис аһы
аһаан астынан, уоһун-тииһин соттунан ойон турбутугар, хаһаай-
ка ыраахтан көрөн олорон ити кырыы балааккаҕа киирэн сын-
ньана түс, дьонум тоҕо эрэ уһаатылар диэн, хата хоноһо аһын
иҥэрэргэ өттүгэстиир дьолломмут.
Тырахтарыыс ходуһаны оросчуоттаабакка, болокуусатын алыс
тосту эргитэ хамнатан отторо сууллаары хаайбыт. Табыллыбак-
ка хат-хат кэбиһэн хойутаан тахсаллар. Ыраахтан биригэдьиир
биир киһини быраҕан барбытын көрбүттэрэ. Култуурумсуйан
илии-атах суунан, остуолга миэстэлэригэр олорбуттар. «Хайа,
аспыт?» — диэн буобардарыгар ыһыытаабыттар. «Оттон итин-
нэ баар ини. Миигинэ да суох аһааҥ ээ, кустарбын үргээн бүтэ
иликпин, ситэ ирбэккэлэр эрэйдээтилэр», — диэбит. «Ханна
баар аскын этэҕин?» — диэн аччык дьон биэдэрэлэри биир гына
өҥөлдьүйбүттэр. «Соруйан киһини хамнатаары гынаҕыт дуо?» —
диэн, инчэҕэй кус түүтүн бэриэнньигиттэн тэбэнэ-тэбэнэ, ойон
кэлэн билигин аҕай оҕонньор аһаабыт биэдэрэтин өҥөлдьүйбүт.
Нуктаан иһэн дьон саҥатыттан уһуктан, тойонноро балаакаттан
орҕостон тахсыбыт. «Ноо, үлэ дьонун аһын аһаабыт эбиппин дии.
116