Page 121 - Былыр этэ диэххэ

сирэ түбэһэн хата санаабын астынар гына балай эмэ ыттым». «От­
тон куһуҥ?..» «Сиэтэҕим дии, уу ньуллураан кус оҕото туоҕа кэ-
лиэй, уҥуоҕа эрэ элбэх. Хата солун сибиэһэй кустан ас кэбиһэн
кырдьык аһыы сатаатым». Кэпсээнинэн эрэ дьулатан тойонно-
рун иччитэх таһаарбыттар. Сарсыҥҥы сөмөлүөтүнэн төннүөхтээх
эбит. Кыттыгастара киһилэрин кураанах ыытан кыбыстыыга кии-
римээри, бэҕэһээҥҥи көтүү бултарын икки илиигэ тутар гына
куулга хаалаан, ыбылы кэлгийэн сөмөлүөккэ уган биэрбиттэр.
Хойутуу Бэрэһиниэп Гуоса тойонноро олорбут сиригэр кии-
рэн сөҕөн тахсыбыт. Ханна түһэрбит сиригэр дулҕатын тутан
кэлэн куһун үргүүр эбит. Онон дьэһээркэ тулатынааҕы бэрдьи-
гэс от ыраахтан ыла кус түүтүнэн үллүктэнэн, түү мэйии от ан-
ньыбытын курдук маҥхайан көстөр үһү. Төһө куһу дьаһайбыта,
төһө эбитэ. Дьэ ол курдук куһунан аатырар Оттоох Атахтар биир
киһини айаҕар эрэ амсатан, өттүк харалаабакка ыыта сыспыттар.
Кыһын Сыаганнаахтар массыына суола аһылыннаҕына Сыан-
тырдарыгар Дуруһуунаҕа Буур Хаайбытынан быһалыы сылдьаач-
чылар. Дайдыларын кэриэстээн Силэпсиэптэр өргө диэри олор-
буттар. Хата онон туһанан Кэбэргэнэлэр, Сыаганнаахтар дьаам
дьиэтин курдук чэйдээн ааһар, тиһигин быспат суолламмыттара.
Оннук сырыы баарын саҕана сааһыары кыһын оройуон суоп-
пара дойду киһитин, инструкторы Сыаганнаахха илдьэ иһэн таа-
рыппыт. Дьиэлээхтэр тойон хоноһону аһатаары түбүк бөҕөҕө
түспүттэрин көрө олорон Битииссин эппит: «Үс хонугунан төн-
нүөхпүт, хата онно дэлби астаан көрсөөрүҥ. Анаан хонон, кэпсэ-
тиһэн барыллыа», — диэн үлэспит. Болдьоҕор хойутаабатах. Дьиэ-
лээх хаһаайка Таанньа кирпииччэ оһох билиитэтин туорайдыыр
улахан чугуун хобордооҕор толору хаахынай иһин ыһаарылаабыт.
Куобахтыы ойбута таһынан ыстаҥалаан дьиэни биир гына арыы
чаанын сытынан чэйдии олорор суоппары муннун кычыкылап-
пыт. Солун аһы кэтэспэккэ элэс гынан хаалбыт. «Дьэ хата сыалаах
уулаах үчүгэй ас астаммыт», — хоноһо силин быһа ыйыстыбыт.
Эмис хаахынай иһин кыра ууга буһардахха уутун иһэн кэбиһэр.
Аҥаардас сыатыгар устан ньолбойо сылдьар аһы хоноһо биһирээ-
бит. Дьиэлээхтэргэ бытыылка туруорбутун биһиги мантан ордук
испэт дьоммут — биирдии үрүҥ көмүс үрүүмкэ оҕотунан охсуһун-
нараат кэһиилэрин түгэх диэки ылан барбыттар. Астаах киһибит
көрөн эрэ хаалбыт. Хобордооҕу кураанахтыырыгар бүтүн биир лиис
119