Page 63 - Былыр этэ диэххэ

тээҕи төрүөккэ киирэн биэрбит диэн сирдьитин туоһу туттубут.
Миэстэтигэр дьыала дьэҥкэ, сабыллар диэн силиэдэбэтэл аакта
оҥорон төннүбүттэр. Сирдьит күөлгэ Баһылай сэтиилээх сирин
диэки суола барбытын көрбүт да аахайбакка силиэдэбэтэлгэ эп-
пэтэх. Онон алҕас туттууттан диэн кэлбиттэр. Ити быһылаантан
ыла айанан бултуур кытаанахтык бобуллубута. Айаны ыраах ыыр-
даах, өбүгэ үгэһэ диэн бултуур тэриллэрин бырахпатах булчуттар
сэмээр туһаналлара. Онтон кэлин төрүт да өтөх бөҕүгэр кубулуй-
бута. Ыраах түгэнэн олорор былыргы саха — саа сэбэ кэмчитинэн
айанан аһаан иитиллэн баччаҕа кэллэхтэрэ. Мындыр саха айанан
куобаҕы, саһылы кытта бултууллара. Түүлээх тутуута сайдан, айа
түүлээҕи буорту гынар диэн, айанан бултааһын хаалбыта.
Оттон биһиги киһибит убайын кэнниттэн уонтан тахса сылга
түүлээхтээбитэ. Кини да соччото суох симиэркэ өлбүтэ. Баһы-
лай дьонун аһынан-үөлүнэн кыһыннары-сайыннары бокуонньу-
гу суохтаппат гына хааччыйбытыттан дьон дөссө дьахтарга саан-
тыыр дуу диэн күтүрүү сылдьыбыттара.
Тыыннааҕар итирик сылдьан силиэдэбэтэл сирдьит киһитин
Көстөкүүнү кытта иирсибиттэрин дьон истибит. Онон соҕотоҕун
да сылдьан оҥорбут аньыыҥ-хараҥ хаһан эрэ ыраас мууска уурул-
лан, сир үрдүгэр күөрэйэн тахсар кэмнээх эбит. Соппуруон ини-
тин өлөрөн булда-аһа дэлэйбэтэҕэ. Хата дьонтон-сэргэттэн туора
туттар диэн сэрэхэдийэллэрэ күн-түүн улаатан испитэ. Сорохтор
төбөтүнэн булкуллар быһыылаах диэн чугаһаспаттыы дьаахха-
наллара. Былдьаһыктаах сүүсчэкэ харыал таһы быһа мэлийбитэ.
Туора киһи мээнэ аймаабатын диэн кичэллээхтик ууруллубут са-
быат, арааһа, ол курдук хааллаҕа. Баһылай түүлээхтиир сирин
сорҕотун салалта Солуомап Баһылайга сыһыарбыт. Иннигир
уҥуор өттүн Уолбуттар ылбыттар. Онтон түүлээхтиир сиригэр
хаалбыт сабыат хапкаан Чынаах Баһылайга хаалбыт дииллэрэ.
Чынаах инитигэр этэн көрбүтүн анараата тугу да ирээттэспэтэх.
Кэлин, Соппуруон өлбүтүн кэнниттэн, Кини сирин Чыркыап
Сэмэҥҥэ сыһыарбыттара. Дьэ ити курдук бу сиргэ букатын кэл-
бит дьоҥҥо диэри барыны бары былдьаһабыт-харамадыһабыт да,
тугу да биир эмэ киһи ол дойдуга илдьэ барбыта суох.

61