Page 62 - Былыр этэ диэххэ

йэн, табаларын туруортаан, сэтиилэнэн күөлгэ киирэн анараа
атаҕынан эргийэн Баһылай сиригэр барда. Соторутааҕыта сыл-
дьыбыт убайын суолугар киирэн, тайах ыллыгынан бэйэтин ыл-
лыгар киирэн суолун муҥурдаата. Сайыҥҥы ороххо бэлэмнээн
тардыбыт күһүҥҥү айатыгар кэлэн, табалара кылы таарыйбыт-
тарыгар иччитэх айа эстэн тас гыммытыгар ис-иһиттэн этин саа-
һа аһыллыбытыгар улаханнык куттанна. Өлүүнү көрбүт инитин
табалара айа эстибитигэр соһуйан, кэннилэринэн олордулар.
Тохтоон табаларын тохтотон чээркэйдэ. Сэтиитин арааран, суол
аҥаар өттүнэн тоҥуунан суол таһаарда.
Бокуонньугу бөһүөлэккэ илдьэбин, тыллыыбын. Хаһан Ду-
руһуунаттан милииссийэлэр тахсан көрөн, быһаарынан манна
кэлиэхтэригэр диэри кэлбит былыт хаардаамына ханна барыай.
Халы-мааргы оҥоһуулаах ырба туора тэбэн убайым тыыныгар
турдаҕа. Куһаҕан тахсар быаҕа быйыл табыллан бултаабатахпын
дьонум-сэргэм бэйэлэринэн туоһу буолар буолуохтаахтар. Сар-
сыарданан бөһүөлэги булла. Инитин аахха киирэн тыллаата. Со-
тору бөһүөлэк бүттүү үллэҥнии түстэ. Баһылай биитигэр баран
иһэн айаҕа оһолломмут. Хата Соппуруон тутатына түбэһэ түһэн
суор-тураах тыыппатах. Манна дьонноох сиргэ муос муоска кур-
дуктарын иһин, сиргэ бэйэ-бэйэлэрин харааннаһар буолан сыл-
дьыһан эрдэхтэрэ. Баһылай өлөр быаҕа биитин айатын ыырынан
сылдьаары түбэстэҕэ дэһии эмиэ баар. Дьахтар эрэйдээх дьон
тылыттан тахсыбакка, Соппуруону биир да киһи күтүрүүр тыла
суоҕуттан бокуонньугун алҕаһын курдук санаата. Дьиҥэр ини-бии-
лэр икки ардылара атан эрэрин дьахтар киһи сэрэйиэ суоҕа дуо?
Нөҥүө күнүгэр милииссийэлэр кэлэн: туга, ханныга биллиэр
диэри силиэстийэ кэмигэр сокуон этэринэн тутуллар диэн Соп-
пуруону илдьэ бардылар. Ону истэн бөһүөлэк биирдэ сүпсүлгэн
үөһэ түстэ. Аньыы даҕаны, өлөрөн баран бэйэтинэн тыллыы кэ-
лиэ дуо? Кырдьык, алҕаска оһол таҕыстаҕа диэн бөлүһүөктүүр
дьон элбээтилэр. Өйүүҥҥүтүгэр Дуруһуунаттан сирдьит табаһыт-
таах, икки олох табалаах силиэдэбэтэл уол быһылаан тахсыбыт
сиригэр бардылар. Халыҥ былыт кэлэн хаардаан намылытар.
Айан дьоно быһылаан тахсыбыт сиригэр табанан буолан эрэй-
дэммэккэ, суол чэриттэн туораабакка кэллилэр. Айа тардыллы-
быт сирэ төрүт да көстүбэт. Оһолломмут киһи, Соппуруон кэлэн
биитин тиэнэн барбыт суоллара аата эрэ биллэр. Кырдьык, эрдэ-
60