Page 86 - Былыр этэ диэххэ

таҕым дии. Уҥуортан бүнүөкүлүнэн көрө, кэтии турбут киһим
аттарга ыстанна. Тиийиибэр, Малыш диэн үүт кэрэ адаҥхастаа-
быт бөдөҥ, миинэн кэлбит аппын тутан аҕалбыт.
Мин атынан, киһим тыынан булпутугар кэллибит. Тыал балай да
кырыыга охсубут да — тэйиэс. Быалаан соһон көрдүбүт да биһиэ-
хэ кыайтарыа суох. Атынан таттаран боруобалаабыппыт, аппыт
сиргэнэн өрө хоройо сылдьар. Онон ууга астыырга күһэлиннибит.
Иһин эҥин киһим төрүт идэһэни астыыр курдук ыраастык ту-
тар-хабар. Сыа-сым курдук тутан-хабан тыыга хаалаабыппытын, ба-
лааккабытыгар таһабын. Анал салапаанын тэнитэ бэлэмнээбит этэ.
Дьэ, кырдьык, ол этэ байтаһын. Аны эппитин суол-суол араартаан,
холомобутугар ыыһыырдыы ыйаталыыбыт. Бөҕө-таҕа оҥоһуулаах
аргы тайах этин ыйыырга анаммыт курдук. Ыыһааһыҥҥа куһуок
этиҥ ол-бу чорбоҕо суох, мөчөкө буолуохтаах эбит. Оччотугар эт
быыһыгар сахсырҕа киирбэт, буруо биир тэҥ иҥэн, хаҕыланан алыс
хабархай амтана суох кууруохтаах эбит. Итиигэ эт начаас көҕөрө
өлөр, онон өрүсүһэ түргэн туттуу мааныта. Мин мас мастыыбын,
киһим уотун оҕолуур, этин сыымайдыыр.
Сарсыныгар аны мин холомобут уотун тыыннаан, ыыһааһы-
нынан дьарыктанным. Уот күөдьүйэ умайыа суохтаах. Куолчам
илимин эһэ киирдэ. Кэлэн булдун дьаһанан, илимин уутун сүүрдэ
аргыга бэрийдэ. Миинэ барар, ойоҕос уҥуоҕу талан күөстүүрбүтү-
гэр күөспүт иһитэ кырата кыайда. Онон иһиппит уоттан тахсы-
бат кэриэтэ. Тобох уҥуоҕу Никулин Баанньа төрүөттэнэр тиитин
төрдүгэр умуһах хаһан кутабыт. Өстүбэһи, бултаабыт сирбитигэр
киһим сааҕы эрэ хаалларбыта, барытын хомуйан аҕалан көмпүтэ.
Ол аата билбэт киһибитигэр ньымаат оҥоробут. Халы-мааргы
дьон кэлэн барбыттар диэбэтин курдук. Күһүн аһы булбут булт
мантан арахсыа суохтаах. Кичэллээхтик оҥостон үс ат ынчыктыыр
ындыылаах дьиэбитигэр аттанныбыт. Икки акка баппат таҥас-
сап, балык аһын туох да тыыппатын курдук оҥорон хаалларды-
быт. Тиийээт да эти булууска түһэрдибит. Ол эбит ыыһаммыт эти
булууска түһэрдэххэ өргө диэри буорту гыммат ньыма. Сайыҥҥы
булду мээнэ итиилии булууска уктахха түргэнник буорту гынаҕын,
түүнүгүрэн тахсар үһү. Эбиитигэр ыыһаммыт эт бустаҕына олус
минньигэс. Балыкпытын, ордубут малы тута көтөл аттанан ылан
кэлбитим. Инньэ гынан мин эрэ диэн өҥнөнө, балыктаан аһа-
та сылдьыбыт Начаалабыт биһиэхэ күнүүлээн, кыыһыран биир
татылҕаланыы... Тайахпыт сис үөлэр этиттэн Куолча сүбэтинэн
84