Page 3 - Кылгастык ого сааьым туьунан

Ахсым үйэлэри уҥуордаан

ампаардаах аһаҕас күүлэлээх хаалдьык дьиэ таһыгар тиийдибит.
Күөх хонууга оҕолор оонньуу сылдьаллар эбит. Мин оҕолору кытта
оонньуу сырыттахпына биир агдайбыт улахан уол кэлэн, туох эрэ
мөчөкө маһы тута сылдьан, чуумпур курдугунан астаҕына тыаһа
«тас» гына түһэр. Ону мин диэки туһулуур, онуоха оҕолор бан-
дьыыт уолу ытаары гынна дииллэр. Мин куттанан куота сатыыбын,
киһим эккирэтэ сылдьар. Ол аайы оҕолор күлсэн алларастаһаллар.
Ол кэнники билбитим, үөстээх талаҕы көҥдөй оҥорон баран, аҥар
өттүн кумааҕынан бүөлээн баран аһаҕас өттүнэн үрэн, ону эмиэ
бүөлээн баран чуумпур курдук маһынан астахха салгын хааттаран
төлө тэбэн тыаһа «тас» гынар эбит. Онтон куттанан ытыы-ытыы
сүүрэ сырыттахпына эдьиийим Лөкүөрүйэ кэлэн илиибиттэн сиэтэн
дьиэ ааныгар илдьэн: «Көр эрэ, ити дьон таҥараҕа тиксэн эрэллэр.
Биһиги эмиэ ити курдук тиксиэхпит, ханна да барыма» - диэтэ.
Мин хайдах таҥараҕа тиксэллэр эбит диэн аһаҕас аанынан көр-
бүтүм, дьиэ иһигэр толору дьон мустубут. Биир уһун бытыктаах,
уһун таҥастаах нуучча күлүмүрдээбит хороҕор иһиттэн быыкаа,
кыра ньуосканан отон уутун курдук кыһыл аһы иилэн ылан дьон
айаҕар уган биэрэ турар. Дьон ньуоскуттан оборон ылаллар уонна
халбарыйан биэрэн иһэллэр. Аҕабыт төбөтүн хантаччы соҕус тут-
тан, хараҕын ыйаастыгастык көрөн, бииртэн биир киһи айаҕар уган
биэрэ турар. Оҕонньоттор, эмээхситтэр кэлэн айахтарын атан биэ-
рэллэр, олор сырааннарын субуруппутунан иһитигэр илдьэр. Ону
көрөөт: «Бахыай, мин итини испэппин», - диэтим да хонуу диэки
сүүрдүм. Кэннибиттэн эдьиийим Лөкүөрүйэ ситэн кэлэн тараччы
тутан дьиэ ааныгар илтэ. Мин куотаары мөҕүстүм. Ону аҕам кэлэн
көтөҕөн ылла, илиибин хам кууста. Мин ытаан сарылыы-сарылыы
мөҕүстүм, атахпын биир киһи тутта, аҕабыыкка иттилэр, айахпар
ньуоскуну батары аста. Мин бокуойа суох тибиирэн кэбистим. Аҕа-
быт саҥата: «Уой-уой, дьиикэй оҕо диэтэ».
Миигин таһырдьа таһаардылар, эдьиийдэрим баттахпыттан, кул-
гаахтарбыттан илгиэлээтилэр, көхсүбүттэн умсары анньан дьиэм
диэки мөҕө-мөҕө дьөгдьөрүттүлэр. Мин сыҥыргыы-сыҥыргыы дэл-
лэрийэн истим, дьиэбэр тиийэн ийэбэр кэпсээтилэр: «Уолбут таҥа-
ра аһын тибиирэн кэбистэ, дьэ, кыбыстыы бөҕө буолла, дьон бөҕө
бэккиһээтилэр», - диэтилэр. Дьэ доҕоор көннөрү илгиэлээһин-тар-