Page 5 - Кылгастык ого сааьым туьунан

Ахсым үйэлэри уҥуордаан

Онон Сааба биһикки иккиэн биирдиитэ буруйу оҥорон тирбэҕэнэн
таһыллан турардаахпыт.
Биһиги олус эйэлээхтик доҕордоһон сылдьарбыт, араастаан оон-
ньуурбут. Ордук салаалаах мутугунан киһи оҥостон туһуннаран
күрэхтэһиннэрэ оонньуурбутун сөбүлүүрбүт. Сороҕор, бэйэбит
эмиэ бөҕөстөр буолан тустарбыт. Кини кыра мин улахаммын. Ол да
буоллар кини улахан бөҕөс буолар - мин киирэ-киирэ охтон биэрэн
иһэбин, онно Сааба санаата табыллар. Биһиги улаатан да баран са­
лаалаах мутугунан оонньуурбутун бырахпат этибит. Кыһын дьиэҕэ
тымтайга хаалаан уура сылдьан, киэһэ дьоммут утуйбуттарын кэн-
нэ аҕалан, дьиэ ортотугар тоҕо сүөкээн сытыараммыт адьас түүн
үөһэ ааһыар диэри оонньуурбут. Онно Сааба уончалаах уол, мин
буоллаҕына сүүрбэччэлээх киһибин. Билигин санаатахха, сүүрбэ-
лээх киһи салаалаах мутугунан оонньуу сырыттаҕына, арааһа, киһи
сүөргүлүү көрүө эбитэ буолуо.
Оннук чуҥкук олох саҕана олоҥхоһут, ырыаһыт киһи хоно кэл-
лэҕинэ улахан үөрүү буолар. Лэкээрин уола Лаһыанай Дьөгүөр
олоҥхоһут, ырыаһыт этэ. Кини кэллэҕинэ мин ону-маны кэпсэтэн
аралдьытабын. Сааба үтүлүктээх бэргэһэтин кистиир. Кини онтон
тардыллан киэһэрэн хонор, олоҥхолотобут.
Кыра эрдэхпитинэ Бөҕө Бүөтүр олоҕо дьадаҥы, кыһалҕалаах этэ.
Кини сыһыы саҕатыгар сонуоктааҕа. Онно ыспыт сиэмэбитин ку-
раан сылларга аһыҥа сиэн кэбиһэрэ. Оччоҕо биһиги туораах да сиэ-
мэтэ суох хааларбыт. Оннук сылларга бутугаһынан олорорбут. Бур-
дугу хам-түм амсайарбыт, аас-туор олох буолара. Аһыҥата суох өҥ
сылларга сиэмэбит үүннэҕинэ биһиэхэ хааһы, лэппиэскэ баар буо­
лар. Оччоҕо ол аата биһиги олохпут өҥүргээһинэ. Таҥас да дэлэйэ
суоҕа, кыайан көстүбэт этэ. Кыһынын торбос ыстаанынан, торбос
сонунан, сылгы көҕүллэҕэ сонунан сылдьарбыт. Дьэ, биһиги оҕо,
эдэр сааспыт ити курдук атаарыллыбыта.
Мин оҕо сылдьан кырдьаҕастар кэпсээннэрин истэрим былыр са-
халар ыһыах ыһан, түһүлгэ тэрийэн, бөҕөстөрү туһуннаран, быһый-
дары сырыһыннаран, аттары сүүрдэн, араас оонньууну оонньоон,
кымыс иһэн, эт сиэн, ас аһаан көрүлүүллэрэ үһү диэн кэпсииллэрэ.
Туола сайылык ортотугар бэс, тиит былааһыктаах лөглөччүүнэн ту-
рар арыы мастаах, аҥар өттүнэн намылыччы сэлэлээн турар тиит