Page 17 - Поэзия күнэ
P. 17
Билигин манна алта чаас сарсыарда,
Баараҕай байдаллар уһуктар баалларыныы
Болуоссаттар ньиргиһэ сыталлар.
Улуу куорат биир дэхси ньиргиэрэ,
Үүммүт күнү айхаллыыр өрөгөйдөөх ырыата
Сири сиксигинэн эҥсиллэ дуорайар.
Москва былыргыттан быйылга диэри
Ньургун нууччалар албан ааттарын миҥэтэ,
Норуоттан норуоттар дьоллорун биһигэ.
Күтүр үйэдэ күһэллэн эстибит-быстыбыт
Хотугу омуктар: сахалар, эбээннэр, чукчалар
Москва хоннодор холбоһон бу күҥҥэ тиийдибит,
Дьолбутун буллубут, дьон-сэргэ буоллубут.
Москва — аан дойду бүттүүнүн тэбэр сүрэдэ.
Бары сир, бар дьон барыта түмсэр түһүлгэтэ,
Москва — биһиги барыбыт куораппыт.
