Page 52 - Поэзия күнэ
P. 52
ВАСИЛИЙ СОЛОВЬЕВ
Үтүө сир Үйээнди
Сэлээннээххэ өрөөн-хонон,
Сэлиик табаларга олорон,
ҮЙЭЭНДИ диэн утө сиргэ
Үчүгэй буолара саас тиийэргэ.
Чоҥкуйа мууһурбут чабырҕайдардаах,
Чочоруттар туруук таас очуостардаах
Хаччадай-тараҕай хайалар
Халлааҥҥа анньыллан тураллар.
Чыысгайга арыт часкыйа ыллаан,
Чыпчархай курдук сытыы чысхаан
Хаһыыран-ыһыыран эмиэ түһэр,
Хаардаах кумайы өрө тибэр.
Оттон ылааҥы күҥҥэ ыттан,
Ол очуостар уу дьулайдарыттан,
Туланы одуулаһа турдахха
Туналыйан, о дьэ сир аххан!
Көстөллөр үмүөрүһэн, үрдээн
Күөх оройдоох таастар * күлүмүрдээн.
Чахчы ыраас муус-маҥан хаар
Чабылыйар сырдыга онно баар.
Таас хайалар.
50
