Page 47 - Поэзия күнэ

Хайаахтыай,
Көйүттүбүт тиистэрин,
Көмөр курдук,
Көтүрүтэ хабырынна.
Суланна муннукка тиийэн,
Киҥэ-наара алдьаммыт
Гитлер эрэйдээх.
Мөккүөр бөҕө
мөҥүрээтэ,
Содуом турда.
Сирэйэ-хараҕа суох бардылар
Сидьиҥ торгуомсуктар.
Хайыта-тырыта тыыттылар,
куобах сэмнэдинии,
Хаан билик Африканы:
Алмаас бөҕө асхарыйда,
Кыһыл көмүс кыыгынаата,
Үрүҥ көмүс үрүлүйдэ,
Хорйолдьун бөҕө
хоро кутулунна
Көлөһүн,
Көҥүс буолан,
көҥүрүйдэ,
Хаан-сиин,
Халаан уутунуу,
дэбилийдэ.
Дьэ, ол буолан,
Үлүһүйэн эрдэхтэринэ,
Эмискэччи —
Тыас тыаһа дэлби барда,
Этиҥ эттэ,
чаҕылБан саалынна —
Күдэн-төлөн ортотугар
Остуолларын
Күөрэ-лаҥкы үктээн,
Күнү-ыйы көхсүнэн күлүктүөх
Күтүр сүүнэ көҕүстээх
45