Page 114 - До5ордуулар суруйсуулара

ойуулааһын. «Барбыттара», «олорбуттара» диир бардылар,
олордулар диир оннугар. Сыарҕаҕа буолбакка, сыһылбаҕа оту
кэбиһэр буолбуттара, мин санаабар, 20-чэ сыл буолла, ону автор
«сыарҕаҕа» диир эбит. Итиннэ олоҕу билбэтэ, көтүмэҕэ көстөр.
Биир киһи аата айымньыга тоҕо араастаан суруллара буолла:
«Дмитрий Гаврилович», «Дмитрий Гаврильевич» диэн. Суруйааччы
олус оохойдуур: «хоонньору», «дьодьуйбатахпыт»... Урукку
айымньыларынааҕар тыла-өһө мөлтөөбүккэ дылы. Айылҕаны,
кыргыттары ойуулааһына кэрэ (шедевр)...
Билигин аан дойду үрдүнэн социализм дьылҕата быһаарыллар
кэмэ кэлэн турар. Аан дойду төбө аҥара аччыктыыр, түөрт
гыммыттан биирэ сибиинньэ курдук симинэр, материальнай
уйгуну ыһар-тоҕор. Социализм кыайарын туһугар ити
аччыктааччылар диэки буолуохтаах этибит. Биһиги буоллаҕына
стратегическай сырьебытын аччыктааччыларга буолбакка, тотторго
соһобут. Ленин кэриэһин толорботубут...
Бары үчүгэйи баҕара хаалабын, Миитэрэй. 21.10.84 с.

-30-
Ньукулай, дорообо!..
Билигин брежневецтэр андроповецтары утары атаакалыыллар.
Бэрээдэк сорох сирдэргэ наһаа мөлтүүрүн туһунан хаһыакка,
телевизорга үгүстүк суруллар, этиллэр. Ити дьиҥинэн классовай
охсуһуу. Колхозтаахтары, совхозтар, фабрикалар оробуочайдарын
бэйэ эрэ иннин көрүнэргэ, хайа сатанарынан байарга уһуйаллар.
Онон уопсастыбаннай баайга-дуолга куттал үөскүүр кыахтанна.
Норуот өйүн-санаатын «материальнай интэриэһинэн» уонна
арыгынан олус куорҕаллаатылар. Итини көннөрөр ыарахан
буолуо. Онон эн бюрократизм, хараҕы баайыы, сытыйыы
туһунан этииҥ сөп...
Бары үчүгэйи баҕара хаалабын, Миитэрэй. 17.04.85 с.

112