Page 22 - До5ордуулар суруйсуулара

норуот баайыгар-дуолугар суудайыы, моральнай сатарыйыы о.д.а.,
бука, мунура суох элбэх сыралаах үлэттэн мөлтүү барыахтара
буолуо. Боппуруос дириҥээбитэ бэт. Бэл, былыргыны эргитэргэ
баҕа баар быһыылаах, сорохтор дууһаларын түгэҕэр.
Омугумсуйууну була, күөттүү сатааһын, сымыйанан сэргэх
буолуу, көнө үлэһит дьону холуннарыы, эккирэтии дьаллыктара
хат көбө туруох курдуктар, кырдьыгы сымыйа, сымыйаны
кырдьык курдук көрдөрөн дьыаланы үнтү буккуйуу күөрэйэн
кэлэ турууһу. Маныаха чахчы муударай политика баар
буоллаҕына тулуһар кыахтаах. Урукку алҕастартан сөптөөх үөрүйэх
ыла иликпит. Өрөбүлүүссүйэ тылынан-өһүнэн чабыланан
өрөбүлүүссүйэ дьиҥнээх бэйэтин дьыалатын өлөрүү, мин
санаабар, биһиэхэ урут иккитэ хаста буолбуттаах: биирдэ 30-с
сыллар бүтүүлэригэр хаарыаннаах ленинецтэрбитин өстөөх
онорон (сымыйанан буруйдаан, баайсан) суйдаталаабыппыт;
иккиһин литературнай нэһилиэстибэнэн киирэн иэдээннээх
алҕаһы таһааран турабыт. Олор охсуулара саҥа, дьиҥнээх үлэһит
норуот олоҕун тутууга олус улахан хоромньуну оҥорбуттара
чуолкай. Онтон төһөлөөх дьон өйө-санаата төттөрү түһүүтэ
тахсыбыта буолуой?!
Сымыйа уус-уран айымньылар саба халыйан тахсаллар, олор
оннуларыгар дьиҥнээх талааннары тэпсэ, билиммэт буола
сатыыллар. Сымыйаны кырдьыктан араарар, ордук искусство,
литература дьыалатыгар олус уустук, ол да буоллар сымыйа,
албын кыайтарыах тустаах. Итинниккэ хабааннаах санааларбын
суруйан «ХС» биэрбиппин, баҕар, 8-с № таһаарыахтара.
Доҕоруҥ Ньукулай. (Сыла-күнэ бэлиэтэммэтэх).

-15-
Миитэрэй, дорообо!.. Василий Макарович Шукшин бэт
талааннаах киһи үөскээн эрэрэ. Суруйааччы, артист,
кинорежиссер, сценарист. Хомойуох иһин, быйыл эдэр сааһыгар
өлбүт. Кини тиһэх сэһэнэ «До третьих петухов (сказка про
Ивана дурака, как он ходил за тридевять земель набраться ума-

20