Page 26 - До5ордуулар суруйсуулара

кини кимин-тугун буолбакка, айымньыта тугунан үчүгэйин
ырытыахха наада диэтэ.
Үтүөнү кыгга Ньукулай. 7.02.76 с. Дьокуускай к.

-18-
Миитэрэй, привет! Доҕоор, ити О.Сулейменов диэн казах
суруйааччыта «Аз и Я» (1975 г. Алма-Ата) диэн кинигэни суруйбут.
Кэпсээннэринэн, «пантюркскай» айымньы үһү. «Слово о полку
Игореве», нууччалар уонна истиэп, түүрдэр, еврейдэр
религияларын (историческай наука методологиятын уо.д.а.
тустарынан) ырытар үһү. Туох баар улахан ученайдары,
академиктары, кинилэр үлэлэрин «түҥнэртээбит». «История
дискредитировала себя в последнее столетие именно потому, что
была прислужницей политики» диир үһү. Бу үлэ изъяйданара
буолуо дииллэр эбит. Ол саллыра кыралар үрдүлэринэн барыа
диэн куттал баар буолбут...
Эһиэхэ бары үчүгэйи баҕарабын, Ньукулай.
25.05.76 с. Дьокуускай к.

-19-
Миитэрэй, ыраах Аджарияттан эҕэрдэ! Туристыы сылдьабын.
Дьиэбиттэн хоҥнубутум ый буолан эрэр. Күннээх Грузияны,
Колхиданы, Хара муора кытыытын көрдүм. Кавказ хайаларын
өрө-таннары айаннаатыбыт. Грузия территорита дьоҕус буолан, өр
гымматыбыт. Муора уутун таһымыттан үс биэрэстэҕэ чугаһыыр
үрдүктээх Девять Источников диэн сис хайаны быстыбыт. Онно,
үөһээ салгына сөрүүн. Олохтоохтор Кавказ Сибиирэ дииллэр эбит
ити үөһээ сирдэрин. Грузия Арҕаа уонна Илин диэннэргэ
хайдар. Илиҥҥи Арҕаатааҕар арыый сөрүүн, континентальнай. Ол
эрээри виноград син үчүгэйдик үүнэр. Отгон Арҕаа - субтропик.
Өлгөм күөх үүнээйилээх, элбэх ардахтаах. Грузия өрүстэрэ
быыкаалар, дохсун сүүрүктээхтэр. Ардаатар эрэ өрө үллэ
түһэллэр. Холобур, Кура Дьокуускай Аппатынааҕар кыра.
Сылдьыбыт куораттарбыт, пууннарбыт - Тбилиси, Телави, Мцхета,

24