Page 40 - До5ордуулар суруйсуулара

ыалбыт ССРС тардар полюһуттан халбарыйда дуу тугуй? АХШ-рын
тардыытыгар барар дуу, биитэр бэйэтэ туспа полюһу үөскэтээри
гынар дуу? Хайдах ус полюс буолуой, икки буолуохтаах этэ дни.
Хайдах хайдаҕый?
Элбэх сонунна суруй, Ньукулай. 05.02.79 с.

-34-
Миитэрэй, Еля, оҕолор! Эһигини Сэбиэскэй Армия
бырааһынньыгынан эҕэрдэлиибин! Биһиги маамабыт эдьиийигэр
баран баран кэлэ илик. Эдьиийэ Аана бу ый 8 к. өлбүт. Кинини
харайалларын кытта аны урут өлбүт улахан эдьиийин уола
Христофор өлбүт. Ити уол биһиги Колябытыттан сылы кыайбат
аҕа. Армияттан кэлэн баран, дойдутугар быстах-остох үлэлэргэ
сылдьыбыт этэ. Урут иккитэ холуонньаҕа сылдьыбыт. Кыралаан
иһэрэ. Онон маамабыт иэдэйдэ, өлүү үөһэ өлүү. Оттон манна
ыарыһах бөҕө муһунна. Өнөртөн Даайа эмээхсин (мин ийэм
убайын кыыһа) киирэн эмтэнэ сытар. Өлүөхүмэттэн тастыҥ
балтым кэлэн эмиэ көрдөрөр. Бары Танябыт хаһан кэлэр диэн
кэтэһии. Үлэлиир да, сынньанар да кыах суох. Маамабыт
анарааттан төһө киһилээх кэлээхтиир. Куоракка эккэ, арыыга
талон буолла. Собулҕа да буоллар, эт дэлэйдэ. Ыйга дууһаҕа 1,9 кг
эт, 500 гр арыы.
«Уот иитиитэ» (В. Яковлев романа) үчүгэй айымньы эбит. Саха
ыччата ГЭС тутуутугар кыттыыта сиһилии сирэйдэнэн-харахтанан
ойууланар. Уонна ГЭС-һи тутуу техническэй өттүн балачча билэр
киһи сиһилии суруйбута биллэр.
Уопсастыба олоҕор классовай наарданыы буккулунна дуу... Оттон
буккуллубут буоллаҕына саҥалыы наарданыы буоларыгар тиийэр.
Илиҥҥилэр, арааһа, буккулунна дииллэр быһыылаах. Дэлэҕэ
«социал-империализм» эҥин диэхтэрэ дуо. Все «переворотилось»
диир буолуохтаахтар. А когда и как будет «укладываться»? Сана
сааһыланыы хаһан, хайдах барыай..?
Софрон Данилов «Сарсын да күн үүнүө» диэнэ пьеса буолан,
Саха театрыгар туран эрэр. Киһи син элбэх да, биир да суруйааччы,

38