Page 39 - До5ордуулар суруйсуулара

кыыстара эмтэнэ-эмтэнэ үлэлээри киирэн олорор. Онон симсии
бөҕө. Үлэлииргэ усулуобуйа буусса мөлтөөтө.
Эһиэхэ дьолу баҕарабын, Ньукулай.
09.12.78 с. Дьокуускай к.

-32-
Миитэрэй, дорообо! Ити «Кэнчээрилэр», «Дружбалар» бэрт
ситиһиилээхтик сылльан кэлбиттэр дии, маладьыастар! Итинник
кэлэктииптэр элбээн истэллэр, ыччат иитиллиитигэр муҥура суох
суолталаах буолуо этэ. Итилэр истэриттэн кэлин талааннара сайдан
искусство дьонноро тахсыа этилэр.
Доҕоор, ааспыт сылга саха эдэр прозаиктарын хомуруунньуга
«Кустук» тахсыбыта. Э. Соколов, Е. Неймохов, Г. Угаров диэн
дьоҕурдаах уолаттар тахсан эрэллэр. Ордук Э. Соколов кэпсээннэрин
биһирээтим. Оттон Г. Угаров научнай-фантастическай кэпсээннэри
киллэрбит. Биһиэхэ да литератураҕа итинник хайысха үөскүөн сөп
эбит.
Дьэ, доҕоор, аан дойду атыйахтаах уулуу айманар. Киһи иитин-
саҕатын кыайан араарыа да суох курдук. Этэргэ дылы, бэҕэһээни
доҕоттор — бүгүн өстөөхтөр, бүгүннү өлөр өстөөхтөр сарсын уу
тэстибэт дьоно буолар күннэрэ күөрэйдэ. Капиталистар, социалистар,
бурсууйдар, хомуньуустар, реакционердар, прогрессистар барыта
хааһы курдук үнтү ытыллан хааллылар. Вьетнам икки Кытай икки
иирсибиттэрэ иэдээн дии...
Бары үчүгэйи кытта Ньукулай. 23.01.79 с. Дьокуускай к.

-33-
Миитэрэй, дорообо! Күөх Хонууну харысыһан «СЯ»-ҕа
суруйбутум да, туһалаабата. Күөх Хонууну кумаҕынан толорон баран
дьиэлэри тутан дьэндэтэллэр уһу. Тутууга экономичнай буолар диэн.
Күөх Хонуу куорат тыынар тыҥата буолар, харыстыахха, дьон
күүлэйдиир, сынньанар сирэ оҥоруохха эҥин диэн суруйбутум.
Аан дойдуга икки полюс баар курдук этэ: ССРС, АХШ. Олор
тардыһар хонууларыгар эҥин-эҥиннэр да буолан эрэллэр. Илиҥҥи

37