Page 43 - До5ордуулар суруйсуулара

салайааччылар буруйдаахтар уһү. Оттон социализмаҕа тоҕо куһаҕан
дьон былааска тахсан алдьархайы оҥороллоруй? Куһаҕан
салайааччыны кыайан киэр бырахпат социализм диэн үчүгэй
социализм буолуон сөп дуо? Социализмаҕа даҕаны былааска ким
мүччү ойон тахсыбыт, ол тойон буолара төһө сиэрдээҕий? Сыыһа
туттаран былааска ыттыбыт куһаҕан салайааччыны, өскө
социалистическай системэ чэгиэн, сытыйбатах буоллаҕына,
түргэнник туура садьыйан кэбиһиэ этэ буоллаҕа дии, - итини эн туох
диигин?
Этэҥҥэ олоруҥ. Ньукулай. 08.04.79 с.

-37-
Дорообо, Миитэрэй!.. Биһиги промышленноспыт кварталлааҕы
былаанын толорботоҕо дьикти. Биитэр былааны сыыһа оҥордохпут,
биитэр тэрийэр үлэбит мөлтөөтөҕө. Үчүгэй да системаны
сатаабатахха, кэҕиннэриэххэ -сөп эбит буоллаҕа. Сайдыы ыыппыт
охтуу көнөтүк барбат, арыт таҥнары түһүүлээх буолуон эмэ сөп
дииллэрэ дии. Оннооҕор социализмтан капитализмҥа төннүөххэ да
сөп буоларыгар тиийэр.
Чааһынай бас билиини көҕүлээн эрэбит. Онтукабытын сатаан
тэрийбэккэ, буолунай ыытан кэбистэхпитинэ, туохха тиийэбит?
Индивидуализм, барыыһымсах, ымсыы, бэйэмсэх өй-санаа
психологията сайдан бардын? Хайа сатабыллаахтар саһыл
саҕаланаайаллар, сатаабатахтар (көнө сүрэхтээхтэр) кураанаҕы
кууһаайаллар? Бэл билиҥҥэттэн бэйэтин барыыһыгар туту эмэ
ситиспит киһи атын баҕайытык туттар буолан эрэр дии. Кинини ким
да кыайбат-хоппот, кыахтаах, кыаҕырбыт курдук туттар. Кинини
кириитикэлээбит, сэмэлээбит бэйэтэ эстэр дии. Кыаҕырбыт киһи
сибээһэ, билсиитэ элбэх, илиитэ-атаҕа уһун. Үп-ас билигин даҕаны
тугу кыайбатаҕа баарай. Байбыт, кыаҕырбыт «влиятельнай» дьоннор
бэйэ-бэйэлэрин олус диэн өйөһөллөр, бэйэлэрин тула бэйэлэрин
курдуктары түмэллэр, ол-бу буолан чорбоннооччулары, очуру-чочуру
көннөрө сатааччылары туораталлар, кинилэр тула айа иитиллэр,
кылыыларыгар киллэрдэллэр эрэ, харыс суох буолар. Маннык сана

41