Page 42 - До5ордуулар суруйсуулара

салайааччы, улахан суруйааччы этэ, өскө мин бэрэссэдээтэл эбитим
буоллар, кини курдук кыайан салайыам суох этэ», - диэтэ.
Уурастыырап: «Наһаа ыарыһах, доруобуйата мөлтөх этэ, биир куһу
кыайан туппат эрээри саалайара, чымыдаанын кыайан туппат эрээри,
соҕуруунан-хотунан наар айаннаан тахсара, бачча буола-буола тоҕо
бараҕын диэтэххэ, наада ээ диирэ», - диэтэ. Баһаарын: «Кини
биһикки онно-манна куруук көрсөрбүт, кэпсэтэрбит, ол былаһын
тухары туой Өксөкүлээх туһунан кэпсэтэрбит, Өксөкүлээх
боппуруоһугар биир уопсай өйдөбүллээх этибит», - диэн тоһоҕолоон
эттэ. Өссүөнтэй: «Олус принципиальнай, партийнай киһи этэ,
холобур, Өксөкүлээх боппуруоһугар урут хайдах этэй да, онтукатын
хаһан да халбаҥнаппатаҕа. Уонна салайааччы быһыытынан наадалаах
боппуруостары сатаан табан быһаарара, ордук бытархайдарга
бытарыйан хаалбакка, тутаах боппуруостарга ордук улахан
болҕомтотун уурара», - диэтэ. Этиилэртэн өйбөр хатаммыта итилэр.
Сүрдээх уһун концерт буолла. Фотовыставка тэриллибит этэ.
Ханаайап «Зарождение и становление якутской литературной
критики (1925-1940)» диэн тиһэх үлэтин секторбытыгар хайҕаатыбыт.
Балачча объективнайдык суруллубут диэтибит. Ити кэнниттэн
Миитэрэпээн уолун (литературовед Васильев Георгий
Митрофанович) обкомҥа суругун («Саха поэзиятын сайдыытын
сүрүн этаптара», 1977 с.) секторга дьүүллэстибит. Сектор дьоно бары
сирдилэр, олох сыыһа, партийнайа суох суруйуу диэн буолла.
Өксөкүлээҕи олус талааннаах националист суруйааччынан
сыаналаабыт. Сурук автора соҕуруу эмкэ барбыт этэ. Ити дьүүллэһиигэ
Н. Тобуруокап, Е. Сүөдэрэп кыггыбатылар. Салайааччылар буоллахтара
уонна туспа санаалаах да буолуохтарын соп.
Оттон били Демидов кинигэтигэр А. Новгородов историк-доктор
(Москва) положительнай рецензияны «Правдаҕа» таһаартарбыт.
Уруккунан буоллаҕына «Правда» сөбүлээтэ да, дьыала
быһаарыллыбытынан ааҕыллар буолара. Онон Демидов доктор
буолара чуолкай буоллаҕа.
Доҕоор, бэл социалистическай дойдулар бэйэлэрэ сэриилэһэр
кэмнэрэ кэллэ дии. Итиннэ соц. системэ буруйа суох, куһаҕан

40