Page 44 - До5ордуулар суруйсуулара

үөскүүр араҥа сүрдээх түмсүүлээх. Оттон кырдьыксытгар түмсүүтэ
суох буолаллар, харса суох муҥнаах үксүгэр соҕотох буолар, баппат
аатырар. Кинини соҕотохтуу кус оҕотун курдук тутан сииллэр. Тас
бүрүөһүн, биллэн турар, «коммунизм», «партийность», «сайдыылаах
социализм», «ленинизм», «НТР»... Итинник буолан истэҕин аайы
олох көммөт, дьиссипилиинэ сатарыйар, бары куһаҕан барыта
диэлийэр...
Бүгүн Өлөөнө эмээхсин (Миитэрэй кэргэнин тастыҥ эдьиийэ)
сырытта. Сотору Чурапчылыыр үһү. Баһылай (Далан) суруйааччы
буолуута соҕуруунан бигэргээбит, онон эҕэрдэлииргитин умнумаҥ.
Бары үтүөнү кытта Ньукулай. 05.05.79 с.

-38-
Миитэрэй, дорообо! Дусябыт муҥурун быстарда. Билигин
балыыһаҕа. Маамабыт муҥура диирин үрдүнэн, биир врач туома
отравление буолуо диэн кишечнайга киллэрэн, чуут муҥура
иһигэр тэстэ сыста. Дьуһуурунай врач көрөн биэрбэккэ эмиэ
хойутаппыт. Онон куоракка эмп-том ортотугар да, эҥин-дьүһүн
буолуоххун сөп. Итиэннэ биир дойдулаахтарым иэдэйдилэр.
Майаҕаска Захаров Еремей кыыһа Марфа эмискэ тымыра быстан
охтубут. Ийэлэрэ, Алааппыйа, иккиһин тымыра быстан куорат
балыыһатыгар сытар. Били Агаша диэн кандидат буолбут
аччыгый кыыс эрэйдээх убайын ыарыылаан кэлээт, эдьиийин
Марфаны көмө тахсыбыта. Дьэ, бу биир дьиэ кэргэҥҥэ иэдээн
буолбат дуо? Киһиэхэ сор буулаатаҕына, барыта наар инньэ
курдук буолар дииллэрэ ити.
Ити эн этэр Попов Б.Н. кинигэтин аахтым, сүрдээҕин
сөбүлээтим. Мораль, майгы-сигили боппуруоһа билиҥҥи кэмҥэ
наадата олус улахан. Санардыы били мин Т.Сметанин туһунан
кинигэбин Афанасьев Вячеслав Федорович «аахтым, бэккэ
суруйбуккун» диэбитин олус үөрэ иһиттим. Кырдьыгынан эттэххэ,
киһи кыратык да истинник хайҕаннаҕына, иһигэр үөрэр. Дьон
сөбүлүүр гына суруйдаҕым дуу диэх санаа киирэр.
Эһиэхэ үчүгэйи баҕарабыт! Еля, ыалдьыма! Ньукулай. 10.06.79 с.

42