Page 60 - До5ордуулар суруйсуулара

үлэлиэхпитин, олоруохпутун сөбүй? Арааһа, норуот өйүн-санаатын,
культуратын, майгытын үрдэтэр иһин үлэлээһин саамай үтүө
сыал буолаарай?! Эн туох санаалардааххыный?
Үтүөнү кытта Ньукулай. 24.03.82 с.

-55-
Миитэрэй, дорообо! Бэҕэһээ Софрон биэчэригэр сырыттым.
Бэккэ үөрдэ-көтүтэ барда. Наҕарааданы ОК иккис секретара
туттарда. Уурастыырап салайан ыытга. Эҕэрдэ сир аайыттан
элбэх. Киһибит салалта тэһиинин лаппа туппут, суруйааччы да
быһыытынан улаханнык сыаналанар буолбут. Бэйэтин этиитэ бэт
хорсун дии санаатым. Иэдээннээх үс суруйааччыга сыһыанын
чуолкайдык эттэ. Үүнээйи силиһэ төһө үчүгэйий да, соччонон
чэлгийэр, сибэккилэнэр, биһиги норуокка сыаналаах
нэһилиэстибэни хаалларбыт бэйэбит иннибитинээҕи дьоҥҥо
дириҥ убаастабылынан сыһыаннаһыахтаахпыт диэтэ. М.К.
Аммосовка күлүгү түһэриини абаран-сатаран таарыйда. Онон
киһибит киэҥин, кыахтааҕын, хорсунун этэр тылыгар көрдөрдө.
Мустубут публика кини этиитин хаста да ытыс тыаһынан
доҕуһуоллаата.
Иккис үчүгэй сонун, эһиги билбиккит курдук, икки
киһибит Ленин бириэмийэтин ылыыта. Эмискэ мировой наука
чыпчаалыгар күөрэс гына түстүбүт дии! Ити кими үөрдүө
суоҕай? Ханнык да омук сөптөөх усулуобуйаҕа түбэстэҕинэ
сайдар кыахтааҕа көстөр.
Биһиги норуоппут ситиһиилэринэн киэн туттуохтаахпыт.
Былыргы өттүгэр туох киэн туттуохха айылаах баарый: а) аан
дойду саамай тымныы тыйыс айылҕалаах сирин туһаҕа таһааран,
киһи олорор гына оҥоруу; б) сүөһү иитиитин олохтооһун, анал
сылгы, ынах боруодатын үөскэтии; в) тылынан искусство
сайдыыта — олоҥхо, ханна да суох ураты «дьиэ-буо» ырыа,
оһуохай уонна хомуһуннаах хомуспут; г) анал дьиэ-уот, таҥас-
сап, сэп-сэбиргэл оҥоһуллуута; д) гуспа спортивнай оонньуулары
үөскэтии - хапсаҕай, кылыы, ыстаҥа, куобах, мае тардыһыыта...

58