Page 61 - До5ордуулар суруйсуулара

Оттон Өктөөп кэнниттэн: а) уус-уран литература (суругунан),
ойуулуур-дьүһүннүүр искусство; б) спорка аан дойду түһүлгэтигэр
тахсыы; в) наукаҕа, изобретениеҕа, инженерияҕа, уо.д.а. дьоҕур
баар...
Уопсайынан, сайдарга кыахтар бааллар. Арай бу амырыын
утахха хотторобут, ити сиэтэҕинэ сиэһи. Бу кыра омукчаан
сайдыытыгар улахан моһоллор буолбуттара: 30-с сс. репрессия,
гитлеровскай фашистар агрессиялара, Борисов саҕанааҕы
куомуннаһыылар уонна кэлиҥҥи түҥ-таҥ салалта. Итилэр
суохтара буоллар, билигин балачча атын буолуо этибит. Эн туох
дии саныыгын?
Бары үтүөнү кытта Ньукулай. 24.04.82.

-56-
Миитэрэй, дорообо! Леночка кэлин сылдьа илик. Даачаҕа
таҕыстахпытына, сылдьара дуу...
Баһылыкпыт суох буолта сүрдээх кутурҕаннаах (Г.И. туһунан
этиллэр). Ким солбуйара биллибэт. Сотору КК пленума буолар,
онно быһаарыллыа үһү. Сүрдээх аһыылаах киһи эрдэ барда.
Далан үнүр сылдьан барбыта. Бииктэринэн, Барыыһынан
эргийэн иһэрэ. Балачча холуочук. Наһаа үчүгэйдик сырыттыбыт
диир. Арба, били кандидатскайа бигэргээбит. Тэҥнэстибит, мин
да кандидат буоллум диир. Опон соҕуруу суруйааччылар
мунньахтарыгар, көрсүһүүлэригэр саха литературатын
дьүүллэһиигэ биһиги литературабытын улуу литература, ол
туһунан мөккүөр суох диэбиттэр. Солоухин тост көтөҕүүтүгэр
Кулаковскайы улуу диэбит. Поделков «Ойуун түүлүн» гениальнай
диэбит. Академик Дружининнаах да үһүөннэрин улуу диэн
этиилэрэ эмиэ ити тэҥэ буоллаҕа. Ол үлүгэр сыаналааһыннар
кэннилэриттэн уулуссаҕа хаамсан иһэннэр: «Улуу да улуу
диэтилэр, дойдубутугар тиийдэхпитинэ улуубут төһө өр сылдьара
буолла...», - дэспиттэр сорохтор.
Бырааһынньыкка, үөрүүгэ-көтүүгэ үрдэтэ соҕус этиллээччи
буолан баран, ханнык баҕарар норуот бэйэтин туһугар улуу

59