Page 81 - До5ордуулар суруйсуулара

- 82-
Миитэрэй, дорообо! Эһиэхэ бука барыгытыгар Сана дьыл
соргуну тосхойдун! Күтүөт Петя атаҕын өлөрбүтэ үтүөрдэ дуо?
Кыралар хайдахтарый? Биһиги кыраларбыт иринньэхтииллэр.
Васялаах эбээлэрэ ааспыт ый 9 күнүгэр «таҥаралаахтаабыта».
Соҕуруу дойдубутугар, аан дойду да үрдүнэн сабыытыйалар бөҕө
буолаллар. Термоядернай экологическай катастрофалар буолаары
куттуулларыттан биһиэхэ позициялары мөлтөтүү буолан эрэр.
Унатыйыы барар курдук. Бүтүн киһи аймах интэриэһэ кылаас
интэриэһиттэн ордук улахан диэн буолла. Өссө сорохтор ааһа түһэн
Өктөөп сыыһа оҥоһуллубут, социализм алҕас, олоххо киирбэт суол
диир буоллулар. Испит иирдэ, таспыт дьалкыйда. Туох-туох буолара
биллибэт. Икки сверхдержава баһылыктара Мальтаҕа тугу-тугу
кистээн кэпсэппиттэрэ буолла. Иккис Верховнай Сэбиэт съеһэ
үтүстэри астыннарбата. Дьаһайааччыларбыт хара күүстэринэн бэт
буолла, сана хардыы оҥоһулунна дииллэр. Аһыыр аччаатаҕына,
үлэһит норуот айманыан сөп.
Доҕоор, ити Парниковпутун сүгүн үлэлэппэккэ сордуур эбиттэр
дии. «Кэнчээри» оҕо ансамбла киэн туттуубут этэ, көмөлөһөр,
усулуобуйаны хайа кыалларынан тэрийэр оннугар туормастаһар туох
буолбут дьонуй? «Кыымҥа» Дүпсүн совхоһун туһунан аахтым.
Бочкарев И.В. диэн талааннаах салайааччы үөскээбит. Сотору сүгүн
үлэлэппэккэ, ханна эрэ илдьэ бараллар дуу?
Эһиэхэ бары үтүөнү кытта, Ньукулай. 1.01.90 с.

-83-
Миитэрэй, дорообо! Ыарыыҥ ааспат буоллаҕына, эмтэтэн
көрдөххүнэ. Диагноскын туох диэн чуолкайдыыллар? Биһиги
этэҥҥэбит. Куоракка урукку уураахтарын (национализм
боппуруоһугар) көннөрөннөр, дьон-сэргэ үөрүүтэ улахан. Политика
уларыйан, КГБ да сымнаабыт быһыылаах. Сана үлэлээн эрэр киһи
тыла-өһө ыллыктаах. Урукку курдук тастан баайсыы, донуоска
түбэһиннэрии суох буолуох курдук.

79