Page 32 - Бастыннартан бастакы

Дьорхрпа^чИ
БАСТЫҤНАРТАН БАСТАКЫ
БУРЦЕВ ДАНИЛ ГАВРИЛЬЕВИЧ - ТАЙЫЛА
★ ★
1950—1953 сс. бэйэтэ тэрийсибит бөдөҥсүйбүт, «Маленков» аатынан холкуос солбуйар председа-
телинэн, 1953-1959 сс. Хоро нэһилиэгин Советын исполкомун председателинэн пенсияҕа тахсыар
диэри үлэлээбитэ. 1959 сылтан персональнай пенсионер. Д.Г. Бурцев оройуон бочуоттаах гражда­
нина, Албан Аат оройуоннааҕы кулуубун чилиэнэ этэ. Үлэ бастакы Дьоруойа Д.Г. Бурцев ханна да
үлэлээтин, ханнык да дуоһунастары толордун, өрүүтүн хайҕанар, бар дьонугар ситиһиилээх үлэти-
нэн ытыктаммыт чиэһинэй коммунист.
Д.Г. Бурцев саха омук баай тылын имитэн-хомутан, боростуойдук сааһылаан, дьон өйүгэр түһэр
гына ылыннарыылаахтык кэпсииринэн тэн нээҕэ аҕыйах буолуо. Уус-уран тыл маастара, араатар
бэрдэ этэ. Мин Данил Гаврильевиһы кытта кини эдэригэр бииргэ үлэлээбэтэҕим иһин, биир нэһи-
лиэк, биир холкуос уонна биир бөһүөлэккэ ыаллыы олорбут буолан, кини үлэтин-хамнаһын, тыл
этиитин элбэхтик билбит, көрбүт киһим. Данил дьиэ кэргэн амарах аҕата. Сүрдээх оҕомсох, оҕоло-
ругар араас таптал ааттары биэрэн, иллэҥ кэмигэр бүөбэйдэһэрэ, үөрэрэ-көтөрө.
Данил Гаврильевич оройуонун социальнай-экономическай уонна култуурунай сайдыытыгар
үтүөлэрин иһин 3 төгүл САССР Верховнай Советын Президиумун Бочуотунай грамотатынан, медал-
ларынан, махтал суруктарынан бэлиэтэммитэ. Кини кэргэнэ Анна Михайловналыын ыал буолан
уһун сылларга дьоһун олоҕу олорон 4 оҕоломмуттара, элбэх сиэннэммиттэрэ. Оҕолоро бары ыал
буолан, төрөппүттэрин маанылаах олохторун салҕыыллар. үөрэнэн, үлэлээн дьон бэртэрэ буоллулар.
Николай ОРЛОВ, сэрии, тыыл, \'лэ бэтэрээнэ,
СӨ тыатын хаһаайыстыбатын утуөлээх үлэһитэ,
Хоро нэһилиэгин, Уус Алдан улууһун бочуоттаах олохтооҕо.
Муру саһарҕата. - 2006. - Олунньу 5 к.

ҮДЭ ДЬОРУОЙУН ГРАМОТАТА

Киһини үлэ киэргэтэр. Үтүө үлэһиттэр, кинилэр баҕар рабочай, баҕар холкуостаах, эбэтэр
учуутал да буоллун, үлэттэн албан аатырбыттара, киэҥ сураҕырбыттара үгүс. Оннук дьоннор биһиги
оройуоммутугар аҕыйаҕа суохтар.
Биир оннук ытык кырдьаҕаһынан уруккута советскай-партийнай үлэһит, холкуоснай тутуу
бэтэрээнэ Данил Гаврильевич Бурцев буолар.
Данил оҕонньор оҕо, эдэр саастара ыраахтааҕы былааһын хараҥа кэмигэр ааспыттара. Кумааҕы,
харандаас диэни билбэккэ, дьиэтигэр, кыратыттан от-мас тиэйэн, араас үлэҕэ эриллэн улааппыта.
«Биирдэ биһиэхэ улуус исполкомуттан таб. Осипов уонна Парасковья Говорова тахсан сири
дууһанан үллэстии мунньаҕын оҥорбуттара. Мин ол ыһыылаах-хаһыылаах мунньахха бурдук сирин
депутатынан талыллан, нэһилиэк ыһыытын сирин мээрэйдэспитим.
Кэлин Чараҥҥа, уонтан тахса ыал холбоһон, «Эйэлээх» диэн табаарыстыба тэринэн, бурдукпут
сиригэр, ходуһаларбытыгар бииргэ үлэлиирбит. Оччолорго сүөһү-ас, туттар сэп-сэбиргэл холбоммот
этилэр. Сыл курдугунан аны холкуостар тэриллэн, биһиги икки табаарыстыба холбоһон «Маяк»
холкуос буолбуппут. Дьону холкуоска киллэрбэт санааттан кулаахтар улахан утарсыыны оҥорбутта-
ра. Албыннарын, сымыйаларын арыйарга нэһилиэк бастакы коммунистара уонна комсомолецтара -
А.П. Бурцева, Р.Н. Ноговицын уонна Р.И. Бурцев элбэх сыраларын биэрбиттэрэ, нэһилиэги кэрийэ
сылдьан, быһааран-өйдөтөн, дьону холкуоска киллэрэллэрэ. Мунньахтар аайы кулаахтар дьиҥнээх
сирэйдэрин саралаан ууга-уокка түһэрэллэрэ. Кинилэртэн ордук Анна Петровнаны бэлиэтиэххэ
сөп. Сытыы тыллаах-өстөөх, кэлбит-барбыт кыыс кулаахтарга элбэх кутталы үөскэтэрэ. Кини кэлин
өр сылларга «Маяк» холкуос председателинэн үлэлээбитэ.
Ити кэмнэргэ от-бурдук, сүөһү-ас үлэтин таһынан, ыраас олоххо киирии, үөрэхтээһин курдук
хампаанньа бэрт эрэйинэн ыытыллаллара. Сорох төрөппүттэр оскуолаҕа оҕолорун биэрбэккэ эрэй-
дииллэрэ. Ону барытын агитациялаан, өйдөтөн ылыннарарбыт, эбиитин бэйэбит холобур көрдө-

30