Page 27 - Бастыннартан бастакы

II баһа
БАСТЫЦНАРТАН БАСТАКЫЛАРА^

-Й- ★

ХАТА КӨСТҮБҮТ - ХАЙҔАА СУРУК

Данил Гаврильевич Бурцев — Уус Алдан улууһун, Хоро нэһилиэгин Хатыҥ Чараҥын төрүт
олохтооҕо. Кини 1899 с. ахсынньы ый 19 күнүгэр Соҕуруу Бырдьалар төрүттэригэр күн сирин көр-
бүтэ. Сулугус Лэгиэнтэй уола Хабырыллаттан төрөөбүт. Ийэтэ Наталья Николаевна диэн. Бу ыал 7
оҕолоох эбит. Сэбиэскэй былаас буолуон иннинэ сүөһү ииттинэн, онтон аһаан-сиэн, таҥнан олор-
бхтгар. Сэбиэскэй былаас олохтоммутун кэннэ, үөрэҕэ суохтары үөрэтэр улахан дьон оскуолатыгар
ликбезкэ) үөрэнэн суруйар-ааҕар буолбут.
Данил саҥа олоҕу, Сэбиэскэй былаас дьон олоҕун тупсарыыга туһуламмыт бары дьаһалларын
сүрэҕинэн-быарынан чугастык ылыммыт. Сэбиэт былааһа тэриллиэҕиттэн, сэбиэттэр ыытар бары
дьаһалларын олоххо киллэриигэ күүһүн харыстаабакка үлэлэспит. Ол курдук, култуурунай револю-
цияны ыытыыга, сир реформатын олохтооһуҥҥа, холбоһуктааһыны тэрийиигэ, нэһилиэгин сала-
йан, эрчимнээхтик үлэлэспит. Нэһилиэгин иһигэр суол үлэтигэр, радио-телефон линияларын тар-
дыыга, холкуостар кыраныыссаларын быһыыга, просекалары кэрдиигэ, саҥа тэриллибит тыа хаһаа-
йыстыбатын артыалларын бөҕөргөтүүгэ тэрийэр маассабай үлэлэргэ актыыбынайдык кыттан испит.
Данил Гаврильевич, төһө да үөрэҕэ суоҕун иһин, нэһилиэк политическай олоҕор оччогооҕу
оройуон, нэһилиэк салалтатын актыбыыстарын кытта тэҥҥэ хаамсар. Нэһилиэк салалтата эдэр эр-
чимнээх киһини ааҕар балаҕан сэбиэдиссэйинэн анаан үлэлэтэр.
Манна кини нэһилиэнньэ киэҥ араҥатыгар тахсан лиэксийэлэри, дакылааттары, бэсиэдэлэри
оҥортуур. Истиэнэ хаһыаттарын, бойобуой лиистэри, көрдөрүүлээх истиэндэлэри таһааттарар. Бу
•лэтигэр Данил Гаврильевич өйө-санаата тобуллар, олоҕу социалистическайдыы уларыта тутууга
зктыыбынай тэрийээччи, күүстээх пропагандист быһыытынан дьонугар-сэргэтигэр, нэһилиэгин са-
лалтатыгар, оройуонугар салайааччы, тэрийээччи быһыытынан биллэн барбыт. Биирдэ мин Данил
Гаврильевичтаахха нэһилиэк историятыгар наадалаах матырыйаал булаарыбын, анаан-минээн ыал-
дьыттыы тиийдим. Оҕонньорум баар эбит. Дьиэ кэргэнтэн саҕалаан холкуос үлэтигэр-хамнаһыгар
тиийэ сэһэргэстибит. Данил Гаврильевич дьиэтээҕи архыыбын хаһыстыбыт. Ол олорон, маннык
докумуон куопуйатын буллум. Ону хайдах суруллубутунан биэрэбин.

25