Page 5 - Бастыннартан бастакы

ӨБҮГЭ ситимэ

(Аан тыл оннугар)

Хайа да киһи, аймах, нэһилиэк, улуус, норуот төрөөбүт-үөскээбит төрүт уус дойдулаах, ийэлээх-
„уалаах, сирдээх-уоттаах, дьонноох-сэргэлээх, төрүттээх-уустаах буолар. Ол сиэринэн, Тойон Мүрү
илин баһыгар олохтоох Халдьаайы, Куула Бырдьа аҕатын ууһун Буурсаптара Улуу Хоро оҕонньортон
силис-мутук тардан, күн бүгүнүгэр диэри түгэх өбүгэлэрэ опубут оһохторун уотун умуруорбакка,
бур-бур буруо таһааран олох олороллор, ону ааһан дириҥ силистээх-мутуктаах аарыма тиит мае
курдук туораахтарын тулаларыгар таммалатан, сириэдийэ сайдаллар. Кинилэр улуутуйар аҥардаах
төрүт өбүгэлэрэ Эгий, норуот сэһэнигэр Эгий Баай дэнэр Тыгын Тойон кэминээҕи буолуон сөп киһи.
Сүрэхтэммит (нууччалыы) аата суох эбит. Арай атамаан И. Галкин дьаһааҕы хомуйбут кинигэтигэр
«Борогонского мужика Ыгея» диэн суруллубута баар. Ону да баара-суоҕа биир эрэ түгэҥҥэ, кэлиҥҥи
дьаһаах кинигэлэригэр кини аата ахтыллыбат.
Сэһэнньиттэр этиилэринэн, Эгий удьуордара Алампаҕа диэри биирдии оҕонон быстыахча
быстыбакка салҕанан испиттэр... Ол иһин буолуо, Алампа, Эгий хос-хос сиэнэ, Быйды алааска оло-
рон, үс хонуктаах айыыһыт тартарыытын ыһыаҕын атаарбыт. Үһүс сарсыардатыгар, ойуун түмүк ал-
гыһын бүтүүтүгэр, оҕо саҥата, кулун кистиирэ, ньирэй мэҥириирэ - алаас иһэ эймэҥнэс буолбутун
мустубут дьон оҕолуун, улаханныын бука бары илэ-бааччы истибиттэрэ үһү диэн кэпсээн-номох
баар. Ити кэнниттэн Алампа сэттэ уолламмыт, олор бары дьон буолбуттар. Ааттара бу бааллар: Хааһы
Баһылай, Хапсыкы Киргиэлэй, Борокуоппай, Ыстапаан, Быыкаанныыр Уйбаан, Хойдор Уйбаан,
Суруксут Сүөдэр. Бу уолаттартан түөрдэ ыччаттанан салгыы үөскээбиттэр, үс уол — Борокуоппай,

3