Page 7 - Бастыннартан бастакы

Бороҕоҥҥо олохтоох Улуу Хоро удьуордара: Хоро, Хал-
дьаайы Бырдьа, Куула Бырдьа, Торбос диэн аҕа уустаахтар.
Кинилэр бука бары түгэх өбүгэлэрэ Улуу Хоро саҕатган Сыҥаах
бороҕоттору, Майаҕатта Бэрт Хараны кытта бииргэ бултаан-
алтаан сир-уот үллэстэн, сылгы-сүөһү ииттэн, оҕо-уруу төрөтөн,
Тойон Мүрүнү тула олохторун-дьаһахтарын олохтоохтук
оҥостон, эйэ-дэмнээхтик олох олорбуттара, олороллор уонна
кэлэр да кэмнэргэ кэхтибэккэ баар буола туруохтара.
Биир дойдулаахпыт, историк-учуонай В.В. Ушницкай Бо-
роҕоттор — Сутул, Суор, Хоролор: Хоро, Бырдьа, Торбос аҕа
уустара курыканнартан (хоролортон) сыдьааннаахтар, түгэх
үйэлэргэ Ытык байҕал - Байкал Күөл туда бииргэ олорбут,
аймахтыы-уруулуу, биир уустар «баргуттар» сыдьааннара, —
диэн быһаччы этэр. Киһи эбэрэ суох курдук, арай улахан учуо-
найдар: «Хайа да кэмҥэ былыр да, быйыл да, сир уларыйар
аҕа уустара биһиктэрин ыйаабыт төрөөбүт төрүт дойдуларын
санатар, онно ала-чуо майгылыыр сири-уоту булан олохсуйа
сатыыллара», — диэн кыраҕы бэлиэтээһиннэрин санатан ааһар
тоҕоостоох курдук. Туундараҕа тиийэ сири-сибиири биир гына
ыһыллыбыт аҕыйах ахсааннаах «алаас сахалара» — эмиэ ити өй-санаа уостубат туоһулара.

5