Page 126 - Аржаков Степан Степан

сатыылаан аххан турара. Эбиитин өрт уота эмиэ сүрдээҕэ.
Сыһыы иһэ бүтүннүү ыыс-быдан буруо буолара. Манна
эмиэ сэрии буола турарын курдуга.
Күһүн үөрэнэ мустубуппут, эр дьон учууталларбыт Васи-
лий Семенович Калининскай, Василий Кузьмич Петров, Ми-
хаил Алексеевич Егоров, Дмитрий Дмитриевич Егоров,
физрук Прокопий Данилович Оллонов, оскуолабыт дирек-
тора Василий Иванович Готовцев сэриигэ барбыттара. Эр
дьонтон завуч Георгий Афанасьевич Готовцев хаалбыта,
атын дьахтар учууталлар кэлбиттэрэ.
Сэрии саҕаланнаҕын сыл Степа аҕата аллараа оскуолаҕа
остуорас этэ. Онон оскуолаҕа биир хоско олороллоро.
Степа Аржаковтуун биһиги биир кылааска үөрэнэрбит. Ки-
ни үөрэҕэр куруутун үчүгэйэ, хаһан ааҕан, үөрэтэн билэ ох-
соро эбитэ буолла.
Историяны сымнаҕас, намыын бөҕө, дьахтар курдук
туттар-хаптар Георгий Афанасьевич 5-с кылаастан ыла
үөрэппитэ. Кылаастарбыт тымныы буолаллара. Тоҥон, ач-
чыктаан муҥ бөҕөнү көрөрбүт. Суруйар кумааҕыбыт диэн
эргэ хаһыат, кинигэ буолара. Онно строкалар быыстарынан
аһаҕас сирдэринэн тугу эрэ суруйарбыт. Сатахха, чэрэнии-
лэбит тоҥон хаалан эмиэ моһуоктуура. Бэйэбит титирээн
тииспит тииспитигэр тиксибэт буолара.
Сэрии алдьархайдаах кытаанах сыллара да буоллар
оҕолору кылааска иккис сылын хаалларан иһэллэрэ. Холо-
бур, Тиит Арыыттан Иван Саввины, Григорий Аргунову,
Дмитрий Бысыины, Иван Аммосовы, Егор Егоровы о.д.а.
Дьиҥинэн оҕо үөрэҕэр мөлтөөһүнүн сүрүн биричиинэтинэн
үөрэнэр усулуобуйа суоҕа этэ. Аччык оҕолор аһыахтарын
баҕаран, куртахтара кураанаҕынан курулуу олорор буолара.
Оннук усулуобуйаҕа Степа Аржаков, Ваня Колодезников,
Саша Турантаев хайдах чаҕылхайдык үөрэнэллэрэ эбитэ
буолла.
Биирдэ Саҥа дьылга Бэс Дьарааһын "Таҥха” диэн
пьесатын оскуолаҕа туруордулар. Таҥхаһыт оҕолору сүл-
лүүкүн иһиллииллэрин күлүү гыммыт. Ити темаҕа история
уруогар дискуссия буолла. Тохсунньу 11 күнүгэр сүллүү-
күттэр ууттан тахсаллар диэн итэҕэл баара. Биһиги: мин,
Ваня, Костя Колодезниковтар, Степа Аржаков, Егор Мест-
ников, Коля Готовцев буоламмыт сүллүүкүн иһиллииргэ