Page 127 - Аржаков Степан Степан

быһаарынныбыт. Түүн ортоку оскуола интернатыттан чып
кистэлэҥинэн кэннибитинэн хааман таҕыстыбыт. Онтон
тоҥуу хаарга биир киһи суолунан тэҥҥэ үктээн хаамабыт.
Хоту киһи уҥуоҕун анныгар ойбоҥҥо киирэн олордубут.
Суорҕан бүрүнэн олоро түстүбүт да, туох да биллибэтэ.
Арай хайа эрэ ыал ыта үрэн "моҥ-моҥ" диэтэ. Хата, дэлби
тоҥнубут. Интернаппытыгар төннөн иһэн иччитэх турар
дьиэҕэ киирэн оһох төрдүгэр олорон көрдүбүт. Эмискэ ку-
туйах сүүрэр тыаһа тыһыгыраата. Биһиги, дьэ кэллэ диэн
куттанан, сүрэхпит айахпытыгар таҕыста. Ойон туран дьиэ-
битин былдьастыбыт.
Ол түүн баспытааталбыт, фронтан саҥа кэлбит Петр
Ильич Кривошапкин биһигини тутаары кэннибититтэн ба-
тыспыт. Хата, атын туһаайыынан “Билиргэ” тиийэн иччитэх
өтөхтөрү өҥөйтөлүү сылдьыбыт. Кэннибититтэн тута батыс-
пыта буоллар, оройбутун аллартаан, сорох сорохтор кутта-
нан хайдах буолуохпут эбитэ буолла.
Биһиэхэ оскуолаҕа Павлик Морозов, Павел Корчагин,
Олег Кошевой, Коля Манасов сырдык уобарастара ыҥырар
сулус буолаллара. Оҕо коллективыгар Степа Аржаков
баһылыыр-көһүлүүр оруоллааҕа. Аны санаатахха, учуутал-
ларга улахан көмөлөөх дьон этилэр. Оҕолору үөрэхтэригэр
ситиһиннэрэ сатыыллара, субуотунньуктары, фронтовиктар
кэргэттэригэр тимуровскай хамсааһыны тэрийэллэрэ. От-
тук маһы оскуола таһыгар оҕолор эрбиирбит, саһааннаан
туруоран кэчигирэтэрбит. Нэһилиэнньэҕэ тахсан байыан-
най заемҥа сурутууга, "Советская Якутия" диэн танковай
колонна тутуутугар харчы хомуйууга, ыраах алаастарга бы-
танан олорор ыалларга сэрии туһунан бэсиэдэ оҥорорго
кытталлара. Ыаллыы олорор "Бөлөхтөһүү" колхоз киинигэр
“Иитиэххэ” агитбиригээдэнэн тиийэрбит. "Иитиэххэ" тиийи-
эхтэн бэйэ бодобутун тардынан байыаннайдыы хаамсар-
быт. Өссө байыаннай ырыалары тардан кэбиһэрбит.
Сукулаан дьиэ таһыгар Сэбиэт бэрэссэдээтэлэ Петр Инно-
кентьевич Кривошапкин, ааҕар балаҕан сэбиэдиссэйэ, сэ-
рии инбэлиитэ Васильев Гаврил Иванович-1 көрсөллөрө,
эҕэрдэ тыл этэллэрэ. Ити улахан бырааһынньыктарга буо-
лара. Степан Аржаков аан дойду балаһыанньатын туһунан,
оттон Ваня Колодезников үөрэх чиэппэрин түмүктэриттэн
бэсиэдэ оҥороллоро. Биирдэ Эрилик Эристиин "Хачыгы-