Page 129 - Аржаков Степан Степан

Доҕорум Степан
Мин 1945 сыллаахха Майа сэттэ кылаастаах оскуолатын
бүтэрэн, Дьокуускайдааҕы педучилищеҕа үөрэнэ киирби-
тим. Педучилище дьиэтигэр, бэйэтэ туспа базата суох буо-
лан, культпросвет оскуола эмиэ үлэлиирэ. 1947 сыл күһүн
тастыҥ убайым, культпросвет оскуола үөрэнээччитэ Васи-
лий Яковлев бииргэ үөрэнэр табаарыһын Степан Аржакову
кытта билиһиннэрбитэ. Степан оччотооҕуга хатыҥыр, дол-
гуннурар хоп-хойуу, хап-хара баттахтаах, көнө уһун уҥуох-
таах уол этэ. Хаһан эмэ да буоллар, Василийдыын миэхэ
кэлэн кэпсэтэллэрэ, ийэм эт ыытар буолан, миин иһэрбит.
Убайым бу Степан оскуолабытыгар бастыҥ үөрэнээччибит
диэн кэпсиирэ. Онтон ыла, букатын эдэр сааспытыттан, ал-
та уонча сылга чугаһыыр кэм устатыгар, биһиги Степан-
ныын бииргэ алтыһан, арыт бииргэ үөрэнэн, үлэлээн, табаа-
рыстаһан-доҕордоһон кэллибит.
Степан эдэриттэн, арааһа оҕо эрдэҕиттэн даҕаны
быһыылаах, мэнээк бас-баттах, тиэрэ-маары тылласпатах,
билиҥҥитин курдук, дуоспуруннаах киһи.
Үчүгэйдик билсиһиибит, биллэн турар, 1951-52 үөрэх
дьылыгар Дьокуускайга учуутал институтугар бииргэ үөрэ-
ниэхпититтэн ыла саҕаламмыта. Мин бу үөрэххэ киириэм
иннинэ институт маҥнайгы курсун кэтэхтэн үөрэнэн бүтэр-
битим, онон бүтэһик 2-с курска Степаны кытта бииргэ
үөрэнэр буолбуппут. Степан биһиги онно-манна соччо
аралдьыйбакка утумнаахтык дьарыктанар этибит, онон ин-
ституту хоп курдук үөрэнэн бүтэрбиппит. Ол кэнниттэн ик-
киэммитин Мэҥэ Хаҥалас оройуонугар, миигин Майа орто
оскуолатыгар, Степаны Дьабыыл сэттэ кылаастаах оскуола-
тыгар учууталынан анаабыттара. Кини онно учууталлыыр
үлэтин саҥа сүүрээннэри киллэрэн туран ситиһиилээхтик
саҕалаабыта. Ол да иһин бэрт сотору кинини бу оскуола
дириэктэрин эппиэттээх дуоһунаһыгар анаабыттара. Кини
оскуолаҕа сылдьан нэһилиэк, колхоз үрдүнэн ыытыллар об-
щественнай үлэлэргэ актыыбынайдык кыттара, нэһилиэк
комсомольскай тэрилтэтин секретарынан талыллыбыта,
бастыҥ пропагандист, лектор этэ.
Үүнэн иһэр эдэр үлэһит, комсомолец 1953-1955 сс. ком-
сомол райкомун чилиэнинэн талыллыбыта. Мин 1953 сыл-