Page 130 - Аржаков Степан Степан

тан комсомол райкомун иккис, онтон бастакы секретары-
нан талыллан үлэлиирим, онон комсомольскай үлэни кытта
билсиһэ, бэрэбиэркэлии, көмөлөһө Дьабыыл нэһилиэгэр
командировкаҕа тахсар этим. Доҕорбор Степаннаахха хо-
норум. Кини ийэтэ бэрт сэмэй, боростуой, элбэх саҥата
суох, итии чэйдээх, сылаас астаах киһи этэ, миигин, оҕотун
табаарыһын, үөрэ-көтө көрсөрө.
Степан биһикки хас да сыл бииргэ сылдьан, кэтэхтэн
үөрэнэн, 1956 сыллаахха педагогическай институту бүтэр-
биппит.
Мин комсомол райкомун бастакы секретарынан үлэлиир
кэммэр иккис секретарынан Раиса Петрова үлэлиирэ. Ком-
сомол райкомун чилиэнэ буолан, пленумнарга, конферен-
цияларга, оройуон үрдүнэн ыытыллар атын да дьаһалларга
сылдьан, Степан Раяны кытта көрсүһэн, кэпсэтэн, сыыйа
чугасаһан, сөбүлэһэн, 1955 сыллаахха атырдьах ыйыгар
ыал тэринэр уруулара буолбута. Мин ити кэмҥэ Варябын
кытта билсиһэ сылдьарым. Өссө уруубутун бииргэ ыытар-
быт дуу диэн кэпсэтиһэ сылдьыбыппыт, ону Варя Дьокуус-
кайга үөрэнэ киириэх курдук буолан тохтоппуппут. Мин
Степаннаах Рая урууларыгар тамадалаабытым, онтон Сте-
пан балаҕан ыйыгар Варя биһикки уруубутугар тамадалаа-
быта. Санаабытыгар, урууларбыт үөрүү-көтүү ортотугар
бэркэ барбыттара. Биэс уонча сыл устатыгар аны дьиэ кэр-
гэммитинэн доҕордоһон, бииргэ тутуһан кэллибит.
Степан айымньылаахтык, саҥа санаанан учууталлаан,
дириэктэрдээн, хайы-үйэ оройуоҥҥа биллэ охсон, үөрэх
оройуоннааҕы салаатын инспекторынан өрө таһаарыллан,
Дьабыылтан Майаҕа киирбитэ, кини олоҕор, үлэтигэр саҥа
аартык арыллыбыта. Аны санаатахха, итинтэн ыла оскуо-
лаҕа төннүбэтэх, салайар-дьаһайар үлэҕэ букатыннаахтык
тардыллыбыт эбит, онуоха кини итинник үлэҕэ дьоҕур-
дааҕа, талааннааҕа тартаҕа, оччотооҕуга обществоны
сүрүннээн олорбут партия ону таба көрдөҕө, хараҕын далы-
гар киллэрдэҕэ, дьаһайдаҕа дии.
Степан Степановиһы 3 сыл — 1957-1960 сс. культура от-
делын сэбиэдиссэйэ оҥоро сылдьыбыттара. Ити сылларга
культура тэрилтэлэрин үлэлэрэ биллэрдик сэргэхсийбиттэ-
рэ. Комсомол райкомун көҕүлээһининэн 1956 сыллаахха
аан бастаан ыытыллыбыт культура эстафетатын ис хоһооно