Page 131 - Аржаков Степан Степан

дириҥээн, сыл аайы программата тупсан испитэ. 1957,
1959 сыллардаахха Саха сиригэр ньиргиэрдээх ыччат фес-
тиваллара буолбуттара. Ити дьаһаллары бэлэмнээһин уон-
на ыытыы культураны тэтимнээхтик сайыннарыыга, онуоха
нэһилиэнньэни, ордук ыччаты киэҥник кытыннарыыга ула-
хан оруолламмыттара.
Бу дьаһаллары ыытыыга Степан биһикки ыкса сибээс-
тээхтик, бэйэ-бэйэбитин өйөһөн, өйдөһөн үлэлээбиппит, ол
үтүө түмүктэрдээх этэ. Оройуоҥҥа культура тэрилтэлэрин,
ордук кулууптары, библиотекалары, киноустановкалары ту-
туу, өрөмүөннээһин былааннаахтык барбыта. Колхозтар
бэйэлэрин үптэринэн, ордук нэһилиэнньэ бүтүннүүтүн ак-
тыыбынай кыттыытынан буор-босхо оскуолалары, ба-
лыыһалары сэргэ, элбэх кулууптар тутуллубуттара. Дьиҥ-
нээх үтүө дьыала хамсааһына ол кэмҥэ баар этэ.
1960 сыл саас Степаны норуот үөрэҕириитин салаатын
сэбиэдиссэйинэн көһөрбүттэрэ. Өссө культура отделын сэ-
биэдиссэйэ эрдэҕинэ, кадры үөрэтии, бэлэмнээһин бэрээ-
дэгинэн буолуо, кинини партия райкомун бюротун чилиэни-
нэн талан, оройуоннааҕы партийнай тэрилтэ улахан
итэҕэлин ылбыта.
1961 сыл кулун тутар ыйга Степан партия райкомун ик-
кис секретарынан, оттон мин секретарынан талыллыбып-
пыт, онон бииргэ үлэлиир буолбуппут. Ити сыл балаҕан ый-
ыгар кини партия райкомун бастакы, мин иккис секретар-
дарынан буолбуппут. Сотору миигин райисполком предсе-
дателинэн быыбардаабыттара. Онтон салгыы Степан Сте-
панович Среднеленскэй производственнай управление
парткомун бастакы секретара, онтон партия Уус Алдан-
нааҕы райкомун бастакы секретара буолбута.
1966 сыл күһүн Степан Степанович Москваҕа Үрдүкү
партийнай оскуолаҕа үөрэнэ тиийбитэ. Мин оччотооҕуга
Саха АССР Миниистирдэрин Сэбиэтин председателин
солбуйааччынан икки аҥар сыл үлэлээн баран, эмиэ бу
Үрдүкү партийнай оскуолаҕа үөрэнэ сылдьарым. Онон Сте-
панныын эмиэ биир сыл алтыһан, биир уопсайга олорон,
бииргэ сылдьан, дьарыктанан үөрэммиппит, театрдарга,
музейдарга, экскурсияларга, биллиилээх деятеллэри кытта
көрсүһүүлэргэ сылдьарбыт, сынньалаҥмытыгар теннис-
тиирбит. Олус да кэрэ сыллар ааспыттар эбит.