Page 128 - Аржаков Степан Степан

рын" инсценировка оҥорон туруордубут. Сирэйбитин оһох
курунньугунан, акварель кыраасканан уонна арыынан грим-
нэнэн кэбистибит. Ырыаҕа-үҥкүүгэ икки Ааныстар: Аня Ко-
лодезникова, Аня Егорова күннээтилэр. Мин дьадьаҥы Ар-
гылла оруолун толорбутум. Маачаха ийэм чэй иһэ-иһэ
хайҕаата. Уопсайынан колхозтаахтар олус биһирээбиттэрэ.
Сэбиэт Бүөтүр уһун дакылааттарыттан салгыбыттар
быһыылааҕа.
Сайын, биирдэ эмит да буоллар, Степа Аржаков биһиэхэ
"Үөрээн" сайылыкка кэлэн хонон-өрөөн барара. Оччоҕо
сэһэн-сэппэн тимэҕэ төлө тардыллара. Кэпсэтии сүнньэ
салгыы үөрэх туһунан буолара.
1945 сыл. Кыайыы өрөгөйдөөх күнэ сандаарыччы тыкпы-
та. Ыам ыйын 9 күнүгэр оскуолаҕа улахан миитин буолбута.
Оскуола директора Г.Н. Игнатьев ытык сэриигэ советскай
норуот улуу кыайыытын кэпсээбитэ. Эҕэрдэ тылы Сэбиэт
бэрэссэдээтэлэ Г.Д. Егоров, фронтовик А.В. Заболоцкай
уонна комсомолец Степа Аржаков эттилэр. Степа этиитин
истэ олорон кырдьаҕас Охонооһой Заболоцкай: "Тыллаах-
өстөөх чаҕылхай оҕо тахсан эрэр эбит", — диэбитэ. Үөрүү-
көтүү буолан ол күн үөрэммэтибит. Күнү быһа оонньоон
таҕыстыбыт.
Сотору үөрэх сыла түмүктэннэ. Сэттис кылааһы бүтэр-
бит, Кыайыы сылын выпускниктара Степа Аржаков, Ваня
Колодезников, Маша Находкина куоракка педрабфакка
үөрэнэ киирэр буоллулар. Күһүөрү сайын мин аҕам Танда
үрэҕэр, Тиит Арыы аттыгар айан суолугар Степаны
көрсүбүт. Киһитэ этэрбэһин кыбынан, атах сыгынньах Тан-
да диэки сүүрүүнэн анньан иһэр уһү. Мин аҕабын кытта кы-
ратык олоро түһэн кэпсэппит. Үөрэнэ бараары сыл-дь-
абыт диэбит. Киэһэ аҕам дьиэтигэр кэлэн кэпсээтэ: "Бэрт
сытыы-хотуу уол сылдьар. Үөрэххэ баҕата сүрдээх. Үөрэ-
ниэҕэ. Итинтикэйин Сэһэн Ардьакыап хаһыс эрэ үйэтээҕи
сиэнэ сылдьара буолуо. Утумнааһын уһуннук барар. Баҕар,
Сэһэни ааттатар киһи буолуо", — диэбитэ.
Ити курдук, биһиги Степа Аржаковтыын Танда үрэҕэр
биир кэмҥэ төрөөммүт, оҕо сааспытыгар, сэрии ыарахан
сылларыгар Танда оскуолатыгар бииргэ үөрэммиппит.
Н.С. КОЛОДЕЗНИКОВ,
СР культуратын үтуөлээх үлэһитэ,
РФ Суруналыыстарын союһун чилиэнэ