Page 152 - Аржаков Степан Степан

Оннук кэмҥэ биһиэхэ 1975 сыллаахха начаалынньыгы-
нан уһун сылларга партия райкомнарыгар бастакы секрета-
рынан үлэлээбит Аржаков Степан Степанович ананан кэл-
битэ.
Саҥа салалта стилэ коллектив иһигэр сибиэһэй сүүрээ-
ни киллэрбитэ. Ол курдук бытархай мас дьиэлэрбитин бы-
раҕан, Ленин проспегар турар икки этээстээх урукку мин-
прос дьиэтигэр хонтуорабыт көспүтэ. Үлэлиир дьиэбит-
уоппут кэҥээн, үрдээн өрө тыыммыппыт. Начаалынньыгы
бастакы солбуйааччынан Совмин инструкторынан үлэлээ-
бит С.П. Иванов кэлэн табаар тиэллиитин бэркэ тэрийсиби-
тэ. Степан Степанович тутууга уонна комплектация боппу-
руостарынан дьарыктанар икки солбуйааччы штатын эбии
ылбыта. Норуот хаһаайыстыбатын материальнай-техничес-
кэй хааччыйыыны сэргэ саҥа тутуллар объектар комплекта-
цияларын эмиэ биһиги тэрилтэбит ылыммыта. Онон үлэбит
көрүҥэ элбээн, объема улаатан тэрилтэбит статуһа эмиэ
үрдээбитэ. 1979 сылтан салаа министерство бырааптаах
'Тосударственный комитет Якутской АССР по материаль-
но-техническому снабжению" диэн буолбуппут.
Степан Степанович Госснабка үлэтин комитет бэйэтин
материальнай-техническэй базатын бөҕөргөтүүттэн саҕа-
лаабыта. Ол курдук уһун сылларга быһаарыллыбакка турбут
универсальнай база тутуллуутун ситиспитэ. Тутуу үөрэх-
тээх, улахан уопуттаах, мындыр специалист, дьиҥнээх ком-
мунист киһини — Василий Яковлевич Литвини булан, сол-
буйааччы оҥостон, тутуу аҕыйах сыл иһигэр тэтимнээхтик
уонна хаачыстыбалаахтык ыытылларын ситиспитэ.
Степан Степанович бастаан утаа үлэ экономическай,
специфическэй өттүн чуолкайдык билбэтэр да, чаҕыйан,
тохтоон турбатаҕа. Табаар эргийиитин былаанын толорон
иһиини, үлэ дьиссипилиинэтин кытаанахтык күннэтэ ирдээн
туох-баар үлэһит базаларга, хонтуораҕа бэйэ бодолорун
тардынан үлэлиир бэрээдэктэрин олохтообута. Туруорул-
лар көрдөбүлү толорбокко пищевой сырье отделын начаа-
лынньыга А.П. Панфилов, киин база директора X. Хашкулов
үлэлэриттэн ууратыллыбыттара.
Үлэҕэ кытаанах көрдөбүлү кытта тэрээһин үлэни Степан
Степанович тэҥҥэ тутара. Отдел началынньыктарын илдьэ
сылдьан базаларга тиийэн рабочайдары кытта миэстэҕэ