Page 66 - Аржаков Степан Степан

Ааспы т олоҕу кырдьыгынан суруйуу

Мин өрдөөҕүттэн билэр уонна убаастыыр табаарыһым,
Мэҥэ Хаҥалас уонна Уус Алдан улуустарын бочуоттаах
гражданина Степан Степанович Аржаков “Олоххо уһаарыл-
лан” диэн ааттаан бэттээхэй ахтыы кинигэни суруйбут. Ини-
циативалаах эдэр үлэһит быһыытынан Степан Степанович
түргэнник салайар үлэлэргэ үүнэн испитэ. Аҕыйах сыл
иһинэн Мэҥэ Хаҥаласка ССКП райкомун иккис, бастакы
секретара буолбута. Онтон Среднеленскэй, Уус Алдан
оройуоннарыгар ССКП райкомнарын бастакы секретарда-
рынан үлэлээбитэ. ССКП обкомун чилиэнинэн 15 сыл, Саха
АССР Үрдүкү Сэбиэтин депутатынан хас да сыл талыллан
үлэлээбитэ.
С.С. Аржаков кинигэтин маҥнайгы түһүмэҕин “Оонньоо-
ботох оҕо сааспыт” диэн ааттаан өссө 1986 сыллаахха “Хо-
тугу сулус” сурунаалга бэчээттэппитэ. Ону бэйэтин көлүөнэ
дьоно бэркэ сөбүлээн аахпыттара. Көлүөнэтин дьылҕатыгар
Улуу Кыайыы улахан суолтатын саамай сөпкө кичэйэн бэлиэ-
тиир. Улуу Кыайыы кэнниттэн уөрэниэн баҕалаах ыччаттар-
га орто, үрдүк үөрэх ааннара киэҥник аһыллыбыттара. Он-
но Федор Николаевич Шарин, Роман Иннокентьевич Мест-
ников, Георгий Николаевич Игнатьев, Михаил Петрович
Карпов, куорат олохтооҕо Маша эмээхсин курдук үтүө са-
наалаах дьон көмөлөһөннөр, үөрэхтээх киһи буолбутун иһин
улаханнык махтанан туран суруйара дьон үтүөтэ-өҥөтө
хаһан да умнуллубатын туоһута буолар.
“Үлэ үөһүгэр” диэн иккис түһүмэххэ Мэҥэ Хаҥалас, Ор-
то Лена, Уус Алдан оройуоннарыгар уһун сылларга ис-иһит-
тэн баҕаран, дьулуһан, дьон-норуот иннигэр сүҥкэн эппиэ-
тинэһи өйдөөн-санаан үлэлээн үчүгэй түмүктэр ситиһилли-
биттэрин сыыппара чахчыларынан бигэргэтэр.
Автор Мэҥэ Хаҥаластан М.Н. Гермогенов, Р.Г. Василь-
ев, Г.С. Самсонов, Е.П. Васильев, А.К. Лыткин курдук үтүө
дьону бу кинигэтин иккис тахсыытыгар ахтан, сөптөөхтүк
сыаналыыра буоллар үчүгэй буолуо этэ.
С.С. Аржаковы материальнай-техническэй хааччыйыы
Государственнай комитетын председателинэн анааһын
улахан итэҕэл, кини салайар үлэҕэ дьоҕурун үрдүктүк сыа-
налааһын этэ. Маннык уустук үлэҕэ сахалартан ким эрэ