Page 68 - Аржаков Степан Степан

Оннук, уус-уран литература айымньытын курдук ааҕыл-
лар. Төрөөбүт сирин-уотун этитэлэобитэ сахалыы сылаас-
сымнаҕас тыыннаах, киһи аахтар ааҕан барар кинигэ. Биир
эрэ холобуру аҕалабын: “Улахан сыһыы үс көлүйэ
күөллээҕэ. Онно биһиги аҕабыт сыл аайы балык кутара,
үөскэтэрэ уонна кэлин сылларга туулаан, куйуурдаан ыла-
ра. Үс көлүйэни ордук сааскы көтөр сөбүлүүрэ. Уһун
кыһыны быһа үллүйэн сыппыт хаар суорҕаныттан босхо-
ломмут сыһыы барахсан араас көтөр саҥатынан туолара
кэрэ да буолара. Ордук биһиги дьиэбит таһынааҕы кыра
көлүйэҕэ кус эгэлгэтэ мустара. Соҕотох Тиит анныгар чэмэ-
лийбит ортоку көлүйэҕэ уонна Дуурада диэки саас аайы
хаастар тохтоон ааһаллара, бэл туруйа, кыталык түһэрэ”.
Чахчы көтөр-сүүрэр тохтуур, дьон-сэргэ үөскүүр үтүө сирэ,
айыы сирэ диэх курдук эбит буолбаат!”
Степан Степанович былыргы олох сиэрин-туомун олус
үчүгэйдик көрдөрбүт. “Оннооҕор сибиинньэ бырааһынньык-
таах диэбиккэ дылы, биһиги ыал кыһынын эмиэ биир бы-
рааһынньыктаах этибит. Ол ороһуоспа. Ороһуоспаҕа улахан
убайым Уйбаан Алдан уҥуорунан ыраах сылдьан бултаан-
алтаан, онтукатын туттаран, үптэнэн-харчыланан эргиллэ-
рэ. Онно эбии эдьиийим Палаша кыһыҥҥы уһун өрөбүлүгэр
дьиэтигэр кэлэрэ. Ол иһин улахан бырааһынньык буолара.
Сарсыардаттан ас астанара, эт буһарыллара. Киэһэлик
таһырдьаттан күөх оту киллэрэн дьиэҕэ тэлгииллэрэ уонна
күө-дьаа буолан остуол тула олорорбут”. Бу суруйууну ааҕа
олорон, быралыйан хаалбыт былыргы олоххо тиийбит, Сте-
пан Аржаковтаах сырдык көмүлүөк оһохтоох сылаас дьиэлэ-
ригэр киирэн тахсыбыт курдук сананаҕын.
Степан Степанович убайа Уйбаан сэрии бастакы сылы-
гар армияҕа ыҥырыллыбыт уонна Москва аттынааҕы сэ-
риигэ “сураҕа суох сүппүт”. Кэлин 1967 сыллаахха Степан
Степанович Москваҕа үөрэнэ сылдьан, Москва таһыттан
биллибэт саллаат уҥуоҕун киллэрэн Кремль таһыгар Алек-
сандровскай садка көмөллөрүгэр, убайын көмсөр курдук
санаан, кыттыыны ылбыта. Бу да кыра түгэн кини олоххо ак-
тивнай позициялааҕын этэр эбээт. Убайын кэргэнэ, сэрии
огдообото буолбут Анна барахсан икки уол оҕотун сүтэрэн,
баран соҕотох кыыһынаан хаалан кыһалҕа бөҕөнү көрбүтүн
наһаа хараастан суруйарын киһи долгуйа ааҕар. Тулаайах