Page 67 - Аржаков Степан Степан

үлэлиэхтээҕэ. Оннук киһинэн партийнай үлэҕэ буспут-хап-
пыт, этэргэ диэри уһаарыллыбыт киһинэн С.С. Аржаков этэ.
Ол итэҕэли, эрэмньини кини чиэстээхтик толорон 16 сыл
кэриҥэ үлэлээн кэлбитэ да туоһулуур. Маннык уустук үлэҕэ
уһуннук үлэлээбит атын киһи баарын мин өйдөөбөппүн. Ки-
ии таһаарыылаах чиэһинэй үлэтин үрдүктүк сыаналаан
"РСФСР үтүөлээх экономиһа”, “Саха Республикатын норуо-
гун хаһаайыстыбатын үтүөлээх үлэһитэ” ааттары иҥэрбит-
гэрэ.
С.С. Аржаков пенсияҕа тахсан баран, өссө биир интэ-
риэһинэй үлэҕэ үлэлии-хамсыы сылдьар. Улуу Кыайыы бы-
рааһынньыгын бэлэмнээн ыытар, онтон Аҕа дойду байыан-
най историятын уонна ветераннар дьыалаларыгар респуб-
ликатааҕы тэрийэр комитет эппиэттиир секретарынан илии-
тин ньыппарынан үлэлии олороро биһиэхэ, ветераннарга,
улахан көмөлөөх, үөрүүлээх суол буолар. Москваҕа Улуу
Кыайыы 50 сыллаах үбүлүөйүнэй Парадыгар Саха сириттэн
бара сылдьыбыта кини сэрии сылларыгар оҕо сылдьан
Кыайыы туһугар үлэлээбитин үтүө туоһута буолар.
Кинигэ автора бу кэмнэргэ дьон өйүгэр-санаатыгар,
олоҕор-дьаһаҕар общественнай-политическай уларыйыы
тахса турарыттан тутулуга суох история кырдьыгыттан туо-
раабакка кылбайан турар кырдьыгынан суруйбута улахан
махталлаах. Бу кинигэни аахпыт эрэ киһи, ордук эдэр ыччат
олох кырдьыгар үөрэниэхтэрэ, олоххо, үлэҕэ, үөрэххэ таба
суолу булунан, дьон-норуот туһугар үлэлиэхтэрэ, олоруох-
тара диэн эрэнэбин.
Петр Иванович ДОКТОРОВ,
экономическай наука кандидата,
РФ культуратын үтүөлээх үлэһитэ,
Гуманитарнай чинчийии институтун научнай сотруднига

Улахан олох суола

“Степан Степанович Аржаков “Олоххо уһаарыллан” диэн
кинигэтэ хайы-үйэ дэҥҥэ көстөр, сэдэх кинигэ буолла.
Бэйэм көлүөнэм биир үтүө киһитэ С.С. Аржаков бэйэтин
олорбут олоҕун, үлэлээбит үлэтин ахтыбыта бэртээхэй,
дьиҥнээх буолбут түбэлтэҕэ сэһэн буоллаҕа.