Page 70 - Аржаков Степан Степан

оонньооботох оҕо саастарын иэстэһэн уһун күнү быһа
оонньообуттара.
Степан Аржаков куоракка бастаан киирэн, табаарыста-
рыныын Ярославскай уулусса 3-с нүөмэригэр билбэт Маша
эмээхсиннэригэр тиийбиттэр. “Дьиэлээх эмээхсиммит туох
да сүрдээх эйэҕэс, үтүө санаалаах, сааһыран эрэр саха
дьахтара эбит. Миигин тулаайах оҕону, соххор солкуобайа,
дьөрү айаммар да төлүүр харчыта суох үөрэххэ умсугуйан,
табаарыстарбын батыһан куоракка киирбиппин истэн, туох
да сүрдээҕин аһынна, сөхтө-махтайда, аһатта-сиэттэ, эл-
бэҕи кэпсээтэ, сүбэлээтэ”. Бу саха дьахтара билбэт оҕоло-
рун көрсүбүтэ үчүгэйин, эйэҕэһин, боростуойун. Бу дьиҥ-
нээх норуот киһитэ! Маннык дьон көмөлөрүнэн сэрии кэн-
нинээҕи сылларга элбэх саха ыччата үөрэхтэммитэ. Степан
Аржаков ити курдук үтүө санаалаах дьон көмөлөругэр ти-
рэҕирэн, баҕа санаатынан кынаттанан үөрэхтээх, үлэһит
үтүөтэ буолбутун билиҥҥи ыччат ыҥырар сулус-холобур
оҥостуон сөп.
Кинигэ хайа да кэрчиктэригэр киһи сирэрэ, омнуолуура
суох. Хата, сөҕө-махтайа ааҕара элбэх.
Степан Степанович чахчы үчүгэйдик, өрүкүйэ үлэлээбит
эбит. Төһө да Н. Хрущев буккуурдаах “уларыта тутуулара”
үлэни-хамнаһы атахтаабыттарын иһин, дьон-норуот үлэтин
тэрийэн, Степан Степанович үлэлээбит оройуоннарын аайы
үчүгэй өйдөбүллэри хаалларбыт. Уус Алдан оройуонугар
түбүктээх үлэтэ түмүктээх буолбутун статистика чахчыла-
рынан бигэргэтэр.
“Сорохтор ааспыт кэми бүттэтэ суох, улугуруу сылларын
курдук ойуулаан көрдөрөргө дьулуһаллар... Ким ааспыт
олоҕун аанньа ахтыбат, ол бүгүҥҥүтүн да билбэт”. Олус
сөптөөх этии. Англия норуотугар өс хоһооно баар: “Ааспыт
кэмҥэ сэлээппэҕин уһул, кэлэр кэми сиэххин ньыппарынан
көрүс”, — диэн.
Степан Степанович “Олоххо уһаарыллан” диэн кинигэтэ
улахан олох бэлиэ суола. Дьоһун кинигэ.
Василий КСЕНОФОНТОВ,
педагогическай үлэ ветерана
(“Ветеран" хаһыакка тахсыбыт ыстатыйаттан
кылгатыллан бэрилиннэ. 2003 сыл)