Page 77 - Аржаков Степан Степан

биллиилээх дьон хорсун үлэлэрин туһунан бэйэтин ахтыы-
тыгар суруйар. Уус Алдан улууһа үлэҕэ үтүө үгэстэрдээх,
билигин даҕаны киһи аймах үлэнэн эрэ туругурар, киһи
олоҕун үлэ эрэ киэргэтэр. Онон бу кинигэ ыччакка анаан
суруллубут дии саныыбын.
Степан Аржаков бэйэтэ Уус Алдан улууһугар төрөөбүт
киһи. Онон улууһун дьонун туһунан ис сүрэҕиттэн үөрэн,
долгуйан суруйара кинигэ саҕаланыаҕыттан көстөр. "Уус
Алдан оройуона үлэһит эрэ оройуон буолбатах. Саҥаны,
үчүгэйи ким-хайа иннинэ олоххо киллэрэр сытыы өйдөөх,
туруу үлэһиттэрдээх оройуон", — диэн суруйар. Ол курдук
маҥнайгы учуутал-дьахтар бу оройуонтан тахсыбыт эбит.
Ол 1892 сыллаахха төрөөбүт Евдокия Софроновна Аржако-
ва. Учуутал быһыытынан үлэтин 1913 сыл балаҕан ыйын 1
күнүттэн саҕалаабыт. 1914 сыллаахха үлэлии турар оскуола
ыал дьиэтигэр хотону кытта бииргэ турара, пансионат
оҕолоро олорор дьиэлэрэ суоҕа. Онон нэһилиэнньэттэн
харчы хомуйан оскуола акылаатын атын сиргэ түһэртэрбит.
Аны ити сыллаахха Саха уобалаһын миссионерскай оскуо-
латын съеһигэр "Сахаларга дьахтары үөрэхтээһин туһунан"
диэн улахан дакылааты нууччалыы тылынан оҥорбут. Дакы-
лааты олус биһирээбиттэр уонна бу этиилэрэ олоххо кии-
рэригэр баҕа санааларын съезд кыттыылаахтара эппиттэр.
Оччотооҕу кэмҥэ сахаттан биир үөрэхтээх дьахтар аата Са-
ха сирин үрдүнэн биллибитэ.
Кинигэҕэ Саха сиригэр гражданскай сэрии номоххо киир-
бит Геройа Гаврил Васильевич Егоров туһунан суруллар. Бу
киһи 22 төгүл үрүҥ баандалары утары кыргыһыыларга кыт-
тан, Сэбиэт былааһын көмүскээбит, 3 төгүл улаханнык
бааһырбыт. Эйэлээх кэмҥэ хас да оройуоҥҥа 20-тэн тахса
оскуолалары, интернаттары, балыыһалары, учууталлар оло-
рор дьиэлэрин, баанньыктары бэйэтэ быһаччы салайан,
маастардаан туттарбыт. Дьэ бу маннык үлэһит киһиэхэ,
Г.В. Егоровка (өлбүтүн кэннэ) "Саха Республикатын бочуот-
таах гражданина" ааты иҥэриэххэ сөп этэ.
"Социалистическай Үлэ Геройа" аат олохтонуон иннинэ
Союзка "Үлэ Геройа" грамоталаах аат баар этэ. Бу ааты
1935 сыллаахха Саха сириттэн үс киһиэхэ иҥэрбиттэрэ.
Онтон биирдэстэрэ Уус Алдан оройуонун Хоро нэһилиэгин
Сэбиэтин председателэ Данил Гаврильевич Бурцев этэ.