Page 75 - Аржаков Степан Степан

үөлээннээхтэригэр үгүс сылларга хаалар үтүө өйдөбүлү бэ-
лэхтээтэ.
Бу кинигэҕэ биһиги улууспутугар үйэ устатыгар төрөөн-
үөскээн, аар-саарга аатырбыт хорсун-хоодуот Геройдар-
быт, үтүөлээх үлэһиттэрбит, ураты талааннаахтарбыт туста-
рынан автор тус өйдөбүлүнэн, иһирэх тылынан кэлэр
көлүөнэ ыччат үлэҕэ-олоххо үтүө үгэстэри утумнаатын диэн
баҕа санаанан суруйбут. Кырдьык даҕаны, саҥаны, үчүгэйи
ким-хайа иннинэ олоххо киллэрэргэ сытыы өйдөөх, холооно
суох үлэлэринэн холобурга киирбит туруу дьоммут сырдык
суолларын омооно оспот гына тиэрдэр ытык иэспит.
Сахалартан маҥнайгы учуутал-дьахтар, гражданскай сэ-
рии номоххо киирбит геройа, бастакы Үлэ геройа, саха
бастакы профессора, дьахталлартан бастакы Социалисти-
ческай Үлэ геройа Уус Алдантан тахсыбыттара.
Алта уонус сыллар саҕаланыыларыгар, Хрущев "уларыта
тутууларынан” сибээстээн, эмиэ да Майаҕа управление,
онтон Намҥа оройуон кииннэрин тэрийэн, биһиги оройуом-
мут үтүрүмсүтүллэ сылдьыбыт. Ол кэнниттэн, 1965-75 сс.
Уус Алдан туспа оройуон быһыытынан бөҕөргүүрүгэр уонна
республика инники күөнүгэр тахсарыгар көҕүлээбит, үтүө
түмүктэри ситиспит салайааччы С.С. Аржаков киэн туттан
туран суруйуон суруйар. Кинини кытта бииргэ үлэлээбит,
уйгулаах олоҕу уһансыбыт производство бастыҥнарын: Ге-
рой А.С. Копырина, Үлэ Албан Аата уордьан толору кавале-
ра М.Н. Готовцев, үтүөлээх сылгыһыт А.И. Артамонов, үс
төгүл үтүөлээх үлэһит И.П. Готовцев, народнай художник
Т.В. Аммосов о.д.а. тустарынан билэр чахчыларыгар
олоҕуран суруйар.
Бээрийэттэн төрүттээх Е.С. Аржакова Дьокуускайдааҕы
дьахталлар гимназияларын бүтэрэн, 1913 сыллаахха Бах-
сыга учууталлыы тахсыбыт. Эһиилгитигэр саҥа оскуола
акылаата түһэрин ситиспит, аан маҥнай кыргыттары үөрэ-
тэри саҕалаабыт. Ити сыл Саха уобалаһын миссионерскай
оскуолатын съеһигэр "Сахаларга дьахтары үөрэхтээһин
наадатын туһунан" улахан дакылааты нууччалыы оҥорбут.
Съезд кыттыылаахтара кини дакылаатын олус биһирээбит-
тэр, онтон "Ленские волны" сурунаал дакылаат ис хоһоонун
толору бэчээттээбит. Дьэ ити курдук, "сахаттан биир үөрэх-
тээх дьахтар тахсан бүтүн уобалас, Саха сирин устун олох,