Page 73 - Аржаков Степан Степан

олоххо умсулҕаннаах эдэр киһи эрдээхтик туораталаан ис-
питэ.
Кинигэ иккис баһа “Үлэ үөһүгэр” дэммит. Манна уол оҕо
уйана-хатана биллэр. Тэрийэр дьоҕурдаах, эрчим бөҕөлөөх
эдэр үлэһити мэҥэлэр тэллэй курдук үүннэрэн испиттэрэ.
Мэҥэлэр кадрга талымас аххан, кими даҕаны бэрт түргэн-
ник “сээн” дии охсубат дьон буолуохтаахтар этэ да, биһиги
киһибитин аҕыйах сыл иһигэр партия райкомун бастакы
секретарыгар тиийэ үүннэрэ охсубуттара. Ити, биллэн ту-
рар, түбэһиэхчэ буолбатаҕа. Эдэр, энергиялээх үлэһит өссө
да үүнэн испитэ. Среднеленскэй производственнай партко-
мун, Уус Алдан райкомун бастакы секретардарынан, онтон
кэлин Саха АССР материальнай-техническэй хааччыйыыга
Государственнай комитетын председателинэн тахсыылаах-
тык үлэлээбитэ.
Ол түмүгэр “Саха Республикатын норуотун хаһаайысты-
батын үтүөлээх үлэһитэ”, “Россия үтүөлээх экономиһа”
диэн бочуоттаах ааттары ылбыта.
Кинигэтин төрдүс баһыгар уус-уран тыл күүһүнэн суруй-
талаабыт геройдарын адьаһын тыыннаахтарын курдук
көрдөртүүр. Холобур, “Дьоһун киһи этэ” диэн советскай-
партийнай, хаһаайыстыбаннай үлэһит В.П. Готовцев
туһунан ахтыытыгар Василий Прокопьевич характерын олус
күүскэ арыйар. Күһүн куобах булдун сезона чугаһаатаҕына
В.П. Готовцев мүчүҥнүү сылдьар буолара. Ол курдук сүргэ-
тэ көтөҕүллэрэ. Мин Чаҥхаҥҥа элбэх сыл бииргэ куобах-
таспытым. Эмискэ көрдөххө тоҥкуруун курдук гынан баран,
бэрт юмордаах, уос номоҕо буолар гына биирдэ этэн кэ-
биһэр тыллаах-өстөөх киһи этэ. Ону Степан Степанович
бэркэ арыйбыт.
Кинигэтин бүтүүтүгэр Степан Степанович: “Мин совет-
скай былаас көмөтүнэн үөрэнэн үлэһит буолбутум, совет-
скай былаас — бу дьиҥнээх норуот былааһа этэ. Ону мин
билигин даҕаны үчүгэйдик саныыбын, үрдүктүк сыаналыы-
бын. Оттон миигин үөрэххэ угуйбут — комсомол, үлэҕэ
үөрэппит — Коммунистическай партия”, — диэн билинҥи
былаас диэки охтубакка кырдьыгынан этэр.
Бу кинигэҕэ аан тылы суруйбут экономическай наука
кандидата П.И. Докторов: “Бу кинигэни аахпыт эрэ киһи,
ордук ыччаттар, олох кырдьыгар үөрэниэхтэрэ, олоххо,