Page 79 - Аржаков Степан Степан

сылын аайы баһаам элбэх кинигэ күн сирин көрөн, күндү
ыалдьыт, доҕор-атас буолан ааҕааччыларга тиийэр.
Кинигэлэр дьылҕалара эмиэ дьон дьылҕатын курдук: со-
рох кинигэни дьон эккирэтэ сылдьан ааҕар, олус сэҥээрэр,
олбэххэ үөрэнэр, сорох тустаах ааҕааччытын кытта өр
кэмҥэ сатаан көрсүбэккэ маҕаһыыннар, библиотекалар дол-
буурдарыгар турар, оттон сорохтор араас биричиинэлэри-
нэн бобуллан, хаайыллан дьоҥҥо олус хойутаан тиийэллэр,
сорохтору, бэл, куттанан уокка уматаллар.
Бүгүн мин эһиэхэ билиһиннэрэр кинигэбин Уус Алдан
дьоно олус сэргээн буруолаппытынан ытыс үрдугэр
|үһэрэн ыллылар. Ааспыт сыл бүтүүтэ Тандатааҕы И.П. Го-
товцев аатынан историческай-революционнай музейга РФ
үтүөлээх экономиһын, үс улуус: Мэҥэ Хаҥалас, Нам, Уус
Алдан бочуоттаах гражданиннара Степан Степанович Аржа-
ков "Уус Алдан үлэһит дьоно" диэн ахтыыларын кинигэтин
кытта нэһилиэк кырдьаҕастарыгар билиһиннэрии ыытылын-
на.
Мустубут дьоҥҥо музей үлэһиттэрэ кырдьаҕастар
собүлээн көрөр киинэлэрин, 1946 сыллааҕы Кыайыы
ыһыаҕын туһунан оччотооҕуга уһуллубут документальнай
киинэни көрдөрдүлэр. Онтон салгыы нэһилиэк кырдьаҕас-
тарын Сүбэтин председателэ В.Ф. Неустроев кинигэ авто-
рын туһунан киэҥник сэһэргээтэ. Уус Алдан сааһырбыт
дьонун ортотугар Степан Степановиһы билбэт киһи суоҕа
буолуо гынан баран, Вдадимир Федотович истиҥ-иһирэх
тыллардаах, экономическай ырытыылардаах кэпсээнин ба-
ры сэргээн иһиттилэр. Ити кэнниттэн Степан Степанович
кинигэтин геройдарыттан биирдэстэрин, Хабырылла
Дьөгүөрэп туһунан киинэҕэ кинигэ авторын саҥатын истэн,
сэргэх сэбэрэтин көрөн кырдьаҕастар ордук астыннылар.
Субу кэпсэтэ олорор курдук сананнылар.
Мантан салгыы музей видеосалонун үлэһиттэрэ, саха
киһитэ тымныыттан киирбит киһиэхэ хайаан да итии чэйин,
сэһэнин-сэппэнин утары ууммутунан көрсөр аламаҕай
үгэһин тутуһан, мустубут дьону үүттээх хойуу чэйдээх, алаа-
дьылаах остуол тула олорон кэпсэтиигэ ыҥырдылар. Мус-
тубут дьон кинигэттэн быһа тардан ааҕыылары иһиттилэр,
кинигэ геройдарын туһунан ахтыстылар, санааларын
үллэһиннилэр.